حرزِ جاں ذِکرِ شفاعت کیجیے
نار سے بچنے کی صورت کیجیے
Harz-e-jaan zikr-e-shafaat kijiye
Naar se bachne ki soorat kijiye
اُن کے نقشِ پا پہ غیرت کیجیے
آنکھ سے چھپ کر زیارت کیجیے
Un ke naqsh-e-paa pe gherat kijiye
Aankh se chhup kar ziarat kijiye
اُن کے حسنِ با ملاحت پر نثار
شیرئہ جاں کی حلاوت کیجیے
Un ke husn-e-ba malahat par nisaar
Shera-e-jaan ki halawat kijiye
اُن کے در پر جیسے ہو مِٹ جائیے
ناتوانو! کچھ تو ہمّت کیجیے
Un ke dar par jaise ho mit jaaiye
Na tawaano! kuch to himmat kijiye
پھیر دیجے پنجۂ دیوِ لعیں
مصطفیٰ کے بَل پہ طاقت کیجیے
Pher diye panja-e-deo-e-layeen
Mustafa ke bal pe taqat kijiye
ڈُوب کر یادِ لبِ شاداب میں
آبِ کوثر کی سباحت کیجیے
Doob kar yaad-e-lab-e-shadaab mein
Aab-e-kausar ki sabahat kijiye
یادِ قامت کرتے اُٹھیے قبر سے
جانِ محشر پر قیامت کیجیے
Yaad-e-qaamat karte uthiye qabr se
Jaan-e-mahshar par qayamat kijiye
اُن کے دَر پر بیٹھیے بن کر فقیر
بے نواؤ فکرِ ثروت کیجیے
Un ke dar par baithiye ban kar faqeer
Be navaao fikr-e-sarwat kijiye
جِس کا حُسن اللہ کو بھی بَھا گیا
ایسے پیارے سے محبت کیجیے
Jis ka husn Allah ko bhi bha gaya
Aise pyare se mohabbat kijiye
حی باقی جس کی کرتا ہے ثنا
مرتے دم تک اس کی مِدحت کیجیے
Hay baaqi jis ki karta hai sana
Marte dum tak us ki midhat kijiye
عرش پر جس کی کمانیں چڑھ گئیں
صدقے اس بازو پہ قوت کیجیے
Arsh par jis ki kamaanen charh gayeen
Sadka us baazu pe quwat kijiye
نیم وا طیبَہ کے پھولوں پر ہو آنکھ
بُلبلو! پاسِ نزاکت کیجیے
Neem wa Taybah ke phoolon par ho aankh
Bulbulo! paas-e-nazaakat kijiye
سر سے گِرتا ہے ابھی بارِ گناہ
خم ذرا فرقِ اِرادت کیجیے
Sar se girta hai abhi baar-e-gunah
Kham zara farq-e-iradaat kijiye
آنکھ تو اُٹھتی نہیں کیا دیں جواب
ہم پہ بے پرسِش ہی رحمت کیجیے
Aankh to uthti nahin kya den jawab
Hum pe be pursish hi rehmat kijiye
عذر بدتر از گنہ کا ذِکر کیا
بے سبب ہم پر عنایت کیجیے
Urz badtar az gunah ka zikr kya
Be sabab hum par inayat kijiye
نعرہ کیجے یارسول اللہ کا
مفلسو! سامانِ دولت کیجیے
Naara kijiye ya Rasool Allah ka
Mufliso! saamaan-e-dawlat kijiye
ہم تمہارے ہو کے کس کے پاس جائیں
صَدقہ شہزادوں کا رحمت کیجیے
Hum tumhare ho ke kis ke paas jaayen
Sadqa Shehzadon ka rehmat kijiye
مَنْ رَاٰنِی قَدْ رَأَی الْحَق جو کہے
کیا بیاں اس کی حقیقت کیجیے
Man raani qad raal haqq jo kahe
Kya bayan us ki haqeeqat kijiye
عالمِ علم دو عالم ہیں حضور
آپ سے کیا عرض حاجت کیجیے
Aalam-e-ilm do aalam hain huzoor
Aap se kya arz-e-haajat kijiye
آپ سلطانِ جہاں ہم بے نوا
یاد ہم کو وقت نعمت کیجیے
Aap Sultan-e-jahaan hum be nava
Yaad hum ko waqt-e-neamat kijiye
تجھ سے کیا کیا اے مِرے طیبہ کے چاند
ظلمتِ غم کی شکایت کیجیے
Tujh se kya kya aye mere Taybah ke chand
Zulmat-e-gham ki shikayat kijiye
دَر بدر کب تک پِھریں خستہ خراب
طیبہ میں مدفن عنایت کیجیے
Dar badar kab tak phirein khasta kharab
Taybah mein madfan inayat kijiye
ہر برس وہ قافلوں کی دُھوم دھام
آہ سُنیے اور غفلت کیجیے
Har baras wo qaflon ki dhoom dhaam
Aah suniye aur ghaflat kijiye
پھر پلٹ کر مُنھ نہ اُس جانب کیا
سچ ہے اور دعوائے اُلفت کیجیے
Phir palat kar munh na us janib kya
Sach hai aur dawaa-e-ulfat kijiye
اَقربا حُبِّ وَطن بے ہمتی
آہ کِس کِس کی شکایت کیجیے
Aqraba hub-e-watan be himmat
Aah kis kis ki shikayat kijiye
اب تو آقا مُنھ دِکھانے کا نہیں
کِس طرح رَفعِ ندامت کیجیے
Ab to aaqa munh dikhane ka nahin
Kis tarah raaf-e-nadaamat kijiye
اپنے ہاتھوں خود لٹا بیٹھے ہیں گھر
کس پہ دعوائے بضاعت کیجیے
Apne haathon khud luta baithe hain ghar
Kis pe davaaye bizaat kijiye
کِس سے کہیے کیا کِیا کیا ہو گیا
خود ہی اپنے پَر ملامت کیجیے
Kis se kahiye kya kiya kya ho gaya
Khud hi apne par malaamat kijiye
عرض کا بھی اب تو مُنھ پڑتا نہیں
کیا علاجِ دَردِ فرقت کیجیے
Arz ka bhi ab to munh padta nahin
Kya ilaaj-e-dard-e-furqat kijiye
اپنی اِک میٹھی نظر کے شہد سے
چارئہ زہرِ مصیبت کیجیے
Apni ik meethi nazar ke shahad se
Chara-e-zehr-e-museebat kijiye
دے خدا ہمّت کہ یہ جانِ حزیں
آپ پر واریں وہ صورت کیجیے
De Khuda himmat ke ye jaan-e-hazeen
Aap par waraan wo soorat kijiye
آپ ہم سے بڑھ کے ہم پر مہرباں
ہم کریں جرم آپ رحمت کیجیے
Aap hum se barh ke hum par mehrban
Hum karen jurm aap rehmat kijiye
جو نہ بُھولا ہم غریبوں کو رضاؔ
یاد اُس کی اپنی عادَت کیجیے
Jo na bhoola hum gareebon ko Raza
Yaad us ki apni aadat kijiye
Share This Naat
Share with friends and family
حرزِ جاں ذِکرِ شفاعت کیجیے
احمد رضا خان بریلوی