دِنے رات ایخو دعا منگناں ہاں
مدینے چہ اپنی قضا منگناں ہاں
Drne rat aikho dua manganan han
Madine chh apni qaza manganan han
نہ طالب زمانے دی رنگینیاں دا
نظارا سدا روضے دا منگناں ہاں
Na talib zamane di rangeeniyan da
Nazara sada roza da manganan han
سفر منگناں ہاں مدینے دی راہ دا
تے عشقِ نبیؐ رہنما منگناں ہاں
Safar manganan han Madine di rah da
Te ishq-e-Nabi (SAW) rehnuma manganan han
لگے نال سینے دے روضے دی جالی
ایہہ فرقت دے غم دی دعا منگناں ہاں
Lage naal seene de roze di jali
Eh farqat de gham di dua manganan han
اڑا کے جو لے جائے پل وچہ مدینے
میں اوہ کرماں والی ہوا منگناں ہان
Ura ke jo le jaye pal vichh Madine
Main oh karman wali hawa manganan han
ظہوریؔ ایہہ سب نالوں وڈی دعا اے
خدا کولوں اوہدی رضا منگناں ہاں
Zahoori eh sab nalon vaddi dua ae
Khuda kolon ohdi raza manganan han
Share This Naat
Share with friends and family
دِنے رات ایخو دعا منگناں ہاں
محمد علی ظہوری