جس نے یادوں میں ہمیں عرشِ خدا پر رکھا
ہم نے مشکل میں اسے حامی و یاور رکھا
Jis ne yaadon mein humein arsh-e Khuda par rakha
Hum ne mushkil mein use haami o yaawar rakha
خیرہ کرتے بھی تو کیسے ہمیں مغرب کے چراغ
سامنے ہم نے ہمیشہ رُخِ دلبر رکھا
Kheera karte bhi to kaise humein maghrib ke charaagh
Saamne hum ne hamesha rukh-e dilbar rakha
جان سرکار کے قدموں پہ نچھاور کردی
دل بھی سرکار کی راہوں میں بچھا کر رکھا
Jaan sarkaar ke kadmon pe nichawar kardi
Dil bhi sarkaar ki raahon mein bicha kar rakha
تجھ کو چاہا تجھے سوچا تجھے لکھا برسوں
دید کی پیاس کو اکثر لبِ ساغر رکھا
Tujh ko chaaha tujhe socha tujhe likha barson
Deed ki pyaas ko aksar lab-e saaghar rakha
میری اوقات ہی کیا ہے کہ تری نعت کہوں
تیری رحمت نے مجھے تیرا ثنا گر رکھا
Meri auqaat hi kya hai ke teri naat kahun
Teri rehmat ne mujhe tera sana gar rakha
نام جب بھی شہِ عالم کا لکھا یا چوما
میری پَوروں کو بھی قدرت نے معنبر رکھا
Naam jab bhi shah-e aalam ka likha ya chooma
Meri poron ko bhi qadrat ne manbar rakha
گرچہ ہم آن بسے غرب کی دُنیا میں ظفر
رشتہ آقا سے غلامی کا برابر رکھا
Garchah hum aan base gharb ki duniya mein Zafar
Rishta aaqa se ghulami ka barabar rakha
Share This Naat
Share with friends and family
جس نے یادوں میں ہمیں عرشِ خدا پر رکھا
محمد ظفراقبال نوری