مل گئی بھیک آپؐ کے در کی
بن گئی بات قلبِ مضطر کی
Mil gayi bheek aapؐ ke dar ki
Ban gayi baat qalb-e-muztar ki
ہر قدم پر سنبھال لیتی ہے
دستگیری حضورِ انورؐ کی
Har qadam par sambhal leti hai
Dastgeeri huzoor-e-anwarؐ ki
سن رہے ہیں بڑی کریمی سے
ان سے فریاد یہ سمجھ کر کی
Sun rahe hain bari kareemi se
In se faryaad yeh samajh kar ki
ہاں انہیں کے کرم کا شیوہ ہے
لاج رکھ لینا دیدہِ تر کی
Haan unhi ke karam ka shewa hai
Laaj rakh lena deeda-e-tar ki
ان کی نسبت کا ذکر کر واعظ
بات محشر میں ہو گی محشر کی
Un ki nisbat ka zikar kar waiz
Baat mehshar mein ho gi mehshar ki
اپنے سارے گناہ بھول گئے
جب نظر آپؐ کے کرم پر کی
Apne sare gunah bhool gaye
Jab nazar aapؐ ke karam par ki
نعت لب پر درود دل میں رہی
منزل ِ عشق ہم نے یوں سر کی
Naat lab par durood dil mein rahi
Manzil-e-ishq hum ne yun sar ki
ہو گیا دو جہاں سے مستغنی
بھیک جس کو ملی ترے در کی
Ho gaya do jahan se mustaghni
Bheek jis ko mili tere dar ki
یاد آیا مدینہ جب خالدؔ
دل میں چاہت نہیں رہی گھر کی
Yaad aaya Madinah jab Khalidؔ
Dil mein chahat nahi rahi ghar ki
Share This Naat
Share with friends and family
مل گئی بھیک آپؐ کے در کی
خالد محمود خالد