naat
•
ایسا کوئی محبوب نہ ہوگا نہ کہیں ہے
م
محمداعظم چشتی
no name
•
ur
ایسا کوئی محبوب نہ ہوگا نہ کہیں ہے
بیٹھا ہے چٹائی پہ مگر عرش نشیں ہے
Aisa koi mehboob na hoga na kahin hai
Baitha hai chattai pe magar arsh nasheen hai
ملتا نہیں کیا کیا دو جہاں کو ترے در سے
اک لفظ نہیں ہے کہ ترے لب پہ نہیں ہے
Milta nahi kya kya do jahan ko tire dar se
Ek lafz nahi hai ke tire lab pe nahin hai
تو چاہے تو ہر شب ہو مثال شبِ اسریٰ
تیرے لئے دو چار قدم عرش بریں ہے
Tu chahaye to har shab ho misaal shab-e-Isra
Tire liye do chaar qadam arsh bareen hai
ہر اک کو میسر کہاں اُس در کی غلامی
اُس در کا تو دربان بھی جبریلِ امیں ہے
Har ek ko mayassar kahan us dar ki ghulami
Us dar ka to darbaan bhi Jibreel-e-Amin hai
رکتے ہیں یہاں آکے قدم اہل نظر کے
اس کوچے سے آگے نہ زماں ہے نہ زمیں ہے
Rukte hain yahan aake qadam ahal nazar ke
Is kooche se aage na zaman hai na zameen hai
اے شاہِ زمن اب تو زیارت کا شرف دے
بے چین ہیں آنکھیں مری بے تاب جبیں ہے
Ae Shah-e-Zaman ab to ziarat ka sharaf de
Bechain hain aankhen meri betab jabeen hai
دل گریہ کناں اور نظر سوئے مدینہ
اعظم ترا انداز طلب کتنا حسیں ہے
Dil giriya kanaan aur nazar soye Madina
Aazam tera andaaz talab kitna haseen hai
Share This Naat
Share with friends and family
ایسا کوئی محبوب نہ ہوگا نہ کہیں ہے
محمداعظم چشتی