naat
عیاں ہے روزِ روشن کی طرح ایسا نہیں ہوتا
عیاں ہے روزِ روشن کی طرح ایسا نہیں ہوتا
نبی ہوتا بشر ہے پر بشر جیسا نہیں ہوتا
Aya'n hai roz-e-roshan ki tarah aisa nahi hota
Nabi hota bashar hai par bashar jaisa nahi hota
یہ قانونِ محبت وضع کردہ ہے خداوند کا
کہ محبوبوں کے ناموں تک میں بھی نقطہ نہیں ہوتا
Ye qanoon-e-mohabbat waza kardah hai Khudawand ka
Ke mehboobon ke naamon tak mein bhi nuqta nahi hota
صحیفۂ محبت کی ہر اِک آیت سے ثابت ہے
خدا نے اُس کا کیا کرنا ہے جو تیرا نہیں ہوتا
Sahifa-e-mohabbat ki har ik aayat se sabit hai
Khuda ne us ka kya karna hai jo tera nahi hota
فلک کو پھاڑ دے ہجرِ دیارِ مصطفٰی لیکن
غم آنسو بن کے بہہ جاتا ہے سو چرچا نہیں ہوتا
Falak ko phar de hijr-e-diyar-e-Mustafa lekin
Gham aansoo ban ke beh jata hai so charcha nahi hota
نصابِ حُسن شہروں کیلئے کس کو بناتے ہم
اگر رب کی زمیں پر گنبدِ خضرٰی نہیں ہوتا
Nassab-e-husn shehron ke liye kis ko banate hum
Agar Rab ki zameen par gumbad-e-Khadra nahi hota
وہ جس کی بند آنکھوں میں بھی حُسنِ طیبہ رقصاں ہو
اسے بے شک دکھائی کچھ نہ دے، اندھا نہیں ہوتا
Woh jis ki band aankhon mein bhi husn-e-Taiba raqsaan ho
Use beshak dikhai kuch na de, andha nahi hota
تبسم واعظینِ شرک و بدعت پر نہ جا، آجا
دلوں کے سجدہ کرنے پر کوئی فتوٰی نہیں ہوتا
Tabassum wa'izeen-e-shirk o bid'at par na ja, aaja
Dilon ke sajda karne par koi fatwa nahi hota
Share This Naat
Share with friends and family
عیاں ہے روزِ روشن کی طرح ایسا نہیں ہوتا
حافظ محمد ابوبکر تبسمؔ