تمہیؐ سرور تمہیؐ ہو برگزیدہ یارسول اللہؐ
تمہیؐ ہو سب سے پہلے آفریدہ یارسول اللہؐ
Tumhiؐ sarvar tumhiؐ ho bargazarida ya rasool Allahؐ
Tumhiؐ ho sab se pehle afreeda ya rasool Allahؐ
قرارِ قلب و جاں ،میرا بھروسہ آپؐ ہی تو ہیں
مرا مسلک ، یقیں ، ایماں ، عقیدہ یارسول اللہؐ
Qarar-e-qalb o jaan, mera bharosa aapؐ hi to hain
Mera maslak, yaqeen, imaan, aqeeda ya rasool Allahؐ
نہیں اوقات میری حیطہء الفاظ میں لاؤں
ترےؐ اخلاق ، اوصافِ حمیدہ یارسول اللہؐ
Nahin auqat meri hayta-e-alfaz mein laaon
Tereؐ ikhlaaq, oasaf-e-hameeda ya rasool Allahؐ
کھڑا ہے دست بستہ سنگِ در پر اشکباری کو
تراؐ مغموم تیرؐا غم رسیدہ یارسول اللہؐ
Khara hai dast basta sang-e-dar par ashkbaari ko
Teraؐ maghmoom teraؐ gham raseeda ya rasool Allahؐ
ترےؐ دربار میں تیریؐ گلی میں، تیریؐ چوکھٹ پر
جبینِ دل رہے ہر پل خمیدہ یارسول اللہؐ
Tereؐ darbar mein teriؐ gali mein, teriؐ chaukhat par
Jabeen-e-dil rahe har pal khameeda ya rasool Allahؐ
کریں گی ناز قرنوں اس کرم پر میری نسلیں بھی
اگر منظور ہو جائے قصیدہ یارسول اللہؐ
Karen gi naaz qarno is karam par meri nasalain bhi
Agar manzoor ho jaye qaseeda ya rasool Allahؐ
اسیرِ زُلف ہی رکھنا ہمیشہ اے کریمؐ ، اکرمؐ
نہ ہو اشفاقؔ زُلفوں سے رمیدہ یارسول اللہؐ
Aseer-e-zulf hi rakhna hamesha ae karimؐ, akramؐ
Na ho Ashfaqؔ zulfon se rameeda ya rasool Allahؐ
Share This Naat
Share with friends and family
تمہیؐ سرور تمہیؐ ہو برگزیدہ یارسول اللہؐ
اشفاق احمد غوری