کیسے بتلاؤں کہ پھر ہوں گا میں کتنا محظوظ ؟
نعت سن کر جو مری ہوں مرے آقا محظوظ
Kaise batlaoon ke phir hoon ga main kitna mahzooz?
Naat sun kar jo meri hoon mere aaqa mahzooz
جس کو اک بار کرے جلوۂِ خضریٰ محظوظ
کر نہ پائے گا اسے اور نظارہ محظوظ
Jis ko ik baar kare jalway-e-Khizra mahzooz
Kar na paye ga use aur nazara mahzooz
کشتۂِ الفتِ انگشت عصائے موسیٰ
وصفِ نعلینِ نبی سے یدِ بیضا محظوظ
Kushta-e-ulfat-e-angusht asaye Moosa
Wasf-e-nalain-e-Nabi se yad-e-bayza mahzooz
پھول کیا تیرے تکلم سے گلستان جھڑے
شہد کو لہجۂِ شیریں کرے تیرا محظوظ
Phool kya tere takallum se gulistan jhare
Shehd ko lehja-e-sheerin kare tera mahzooz
سنتے ہی یاد نہیں رہتی مصیبت کوئی
نعتِ سرکار ہمیں کرتی ہے ایسا محظوظ
Sun'te hi yaad nahi rehti museebat koi
Naat-e-sarkar humein karti hai aisa mahzooz
یہ بھی مقصود تھا معراج میں ملحوظ کہ ہو
بوسۂِ پا سے تِرے عرشِ معلّٰی محظوظ
Ye bhi maqsud tha mairaaj mein malhooz ke ho
Bosa-e-pa se tere arsh-e-mualla mahzooz
تیرے محبوب کی توصیف سنائی تجھ کو
تو بھی بخشش سے مجھے کردے خدایا ! محظوظ
Tere mehboob ki tauseef sunai tujh ko
Tu bhi bakhshish se mujhe karde Khudaya! mahzooz
تیرے شعروں پہ معظمؔ ہے کوئی خاص کرم
سننے والوں کو کیا کرتے ہیں خاصا محظوظ
Tere shairon pe Moazzam hai koi khaas karam
Sun'ne walon ko kya karte hain khaasa mahzooz
Share This Naat
Share with friends and family
کیسے بتلاؤں کہ پھر ہوں گا میں کتنا محظوظ
معظم سدا معظم مدنی