منگتے شہ حرم کے بسوئے حرم چلے
خوش بخت لوٹنے کو نبی کا کرم چلے
Mangte shah haram ke basuye haram chale
Khush bakht lootne ko Nabi ka karam chale
پڑتے نہیں ہیں پاؤں خوشی سے زمین پر
سلطان دو جہاں کی چوکھٹ پر ہم چلے
Pardte nahi hain paon khushi se zameen par
Sultan do jahan ki chaukhat par hum chale
منزل قدم قدم پر قدم چومتی رہی
دیوانے ان کی راہ میں جتنے قدم چلے
Manzil qadam qadam par qadam choomti rahi
Deewane un ki raah mein jitne qadam chale
کتنا حسیں مزاج ہے شہر رسول کا
اس شہر میں ہوا بھی جبیں کر کے خم چلے
Kitna haseen mizaaj hai shehar Rasool ka
Is shehar mein hawa bhi jabeen kar ke kham chale
کس کو مدینے پاک سے جانے کا غم نہیں
جو بھی چلے مدینے سے با چشم نم چلے
Kis ko Madeene paak se jaanay ka gham nahi
Jo bhi chale Madeene se ba chashm nam chale
غم ان کا زندگی میں سہارا بنا رہا
صد شکر لے کے قبر میں بھی ان کا غم چلے
Gham un ka zindagi mein sahara bana raha
Sad shukar le ke qabar mein bhi un ka gham chale
اس آتی جاتی سانس کا ٹوٹے گا سلسہ
پڑھتے رہو درود تم جب تک یہ دم چلے
Is aati jaati sans ka toote ga silsilah
Pardhte raho darood tum jab tak ye dam chale
ہر وقت ہے نیازی کے لب پر نبی کی نعت
یہ بھی کرم ہے وصف نبی میں قلم چلے
Har waqt hai Niyaazi ke lab par Nabi ki naat
Ye bhi karam hai wasf-e-Nabi mein qalam chale
Share This Naat
Share with friends and family
منگتے شہ حرم کے بسوئے حرم چلے
عبدالستار نیازی