جس نے سمجھا عشقِ محبوبِؐ خدا کیا چیز ہے
وہ سمجھتا ہے دُعا کیا، مدّعا کیا چیز ہے
Jis ne samjha ishq-e-mehboob-eؐ-Khuda kya cheez hai
Woh samjhta hai dua kya, mad'da kya cheez hai
کوئی کیا جانے کہ شہرِ مصطفٰؐے کیا چیز ہے
پوچھئیے ہم سے کہ طیبہ کی ہَوا کیا چیز ہے
Koi kya janay ke shehr-e-Mustafaؐ kya cheez hai
Poochiye hum se ke Tayba ki hawa kya cheez hai
شافعِؐ محشر کے دامن میں چھُپا بیٹھا ہُوں مَیں
کیا خبر ہنگامۂ روزِ جزا کیا چیز ہے
Shaafiؐ-e-Mahshar ke daaman mein chhupa baitha hoon main
Kya khabar hangama-e-roz-e-jaza kya cheez hai
ہر مرض میں خاکِ راہِ مصطفیٰؐ ہے کارگر
سامنے اکسیر کے، کوئی دوا کیا چیز ہے
Har marz mein khaak-e-raah-e-Mustafaؐ hai kaargar
Saamne akseer ke, koi dawa kya cheez hai
دل معطّر ہو گیا آنکھیں منّور ہوگئیں
اللہ اللہ، سبز گُنبد کی فضا کیا چیز ہے
Dil mu'attar ho gaya aankhein munawwar ho gayeen
Allah Allah, sabz gumbad ki faza kya cheez hai
یہ سمجھنا ، ہم نے سمجھا ہے، شہِؐ لولاک سے
خَلق میں ٹوٹے ہوئے دل کی صدا کیا چیز ہے
Yeh samajhna, hum ne samjha hai, Shah-eؐ-Lolak se
Khalq mein toote hue dil ki sada kya cheez hai
ہوگیا کیا مطمئن دَم بھر میں قلبِ مضطرب
دیکھ لو ذکرِ نبیؐ، یادِ خدا کیا چیز ہے
Ho gaya kya mutma'in dam bhar mein qalb-e-muztarib
Dekh lo zikr-e-Nabiؐ, yaad-e-Khuda kya cheez hai
حشر میں تم کو گنہ گارو پتا چل جائے گا
سایۂ لُطفِ محمدؐ مصطفٰؐے کیا چیز ہے
Hashr mein tum ko gunehgaaro pata chal jayega
Saaya-e-lutf-e-Muhammadؐ Mustafaؐ kya cheez hai
رحمتِؐ عالَم، شفیع المذنبیںؐ، شاہِؐ اُمَم
ایک ذاتِ مصطفٰؐے ہے اور کیا کیا چیز ہے
Rehmat-eؐ-Aalam, Shafi-ul-muznibeenؐ, Shah-eؐ-Umam
Ek zaat-e-Mustafaؐ hai aur kya kya cheez hai
زلف و رُوئے مصطفٰؐے سے یہ کھُلا ہم پر نصیرؔ
صبحِ گُلشن، بُوئے گُل، بادِ صبا کیا چیز ہے
Zulfu ruu-e-Mustafaؐ se yeh khula hum par Naseer
Subh-e-gulshan, boo'e gul, baad-e-saba kya cheez hai
Share This Naat
Share with friends and family
جس نے سمجھا عشقِ محبوبِؐ خدا کیا چیز ہے
سید نصیرالدیں نصیر