جس کو بھی ہو نصیب محبت حضورؐ کی
محشر میں پائے گا وہ شفاعت حضورؐ کی
Jis ko bhi ho naseeb mohabbat Huzoorؐ ki
Mahshar mein paye ga woh shafaat Huzoorؐ ki
خُلقِ عظیم پایا ہے ربّ ِ کریم سے
دشمن بھی مانتے ہیں شرافت حضورؐ کی
Khulq-e-azeem paya hai Rabb-e-Kareem se
Dushman bhi maante hain sharafat Huzoorؐ ki
ایثار و صبر و ضبط کے گوہر چمک اُٹھے
بے مثل و بے مثال ہے سیرت حضورؐ کی
Eesaar o sabr o zabt ke gohar chamak uthay
Bay misal o bay misaal hai seerat Huzoorؐ ki
بے حدّ وبے حساب ہَیں اُن کی عنایتیں
دونوں جہاں پہ چھائی ہے رحمت حضورؐ کی
Bay hadd o bay hisaab hain un ki inayatein
Dono jahan pe chhai hai rehmat Huzoorؐ ki
دینے لگے صدائیں صلوٰۃُ و سلام کی
مانی ہے پتّھروں نے رسالت حضورؐ کی
Dene lage sadaein salat-u-salam ki
Maani hai pattaron ne risalat Huzoorؐ ki
اِس کو رسولِ پاک سا پیارا نبیؐ مِلا
کس درجہ خوش نصیب ہے اُمت حضورؐ کی
Is ko Rasool-e-Pak sa pyara Nabiؐ mila
Kis darja khush naseeb hai ummat Huzoorؐ ki
تشکیک و ظن کی دھول میں لِپٹے ہو کس لئے
ہر مسلے کا حَل ہے شریعت حضورؐ کی
Tashkeek o zan ki dhool mein lipte ho kis liye
Har maslay ka hal hai shariat Huzoorؐ ki
دل کے حِرا میں پائے گا پُرکیف چاندنی
فیضی ؔجِسے نصیب ہو الفت حضورؐ کی
Dil ke Hira mein paye ga purkeif chandni
Faiziؔ jise naseeb ho ulfat Huzoorؐ ki
Share This Naat
Share with friends and family
جس کو بھی ہو نصیب محبت حضورؐ کی
اسلم فیضی