خطا ختن کے مشک سے دہن کو باوضُو کروں
تو پھر میں نقشِ پائے مصطفیٰ کی گُفتگُو کروں
Khata khatan ke mushk se dahan ko ba-wazu karun
To phir main naqsh-e-paye Mustafa ki guftagu karun
یہ آرزُو بسی ہوئی ہے دھڑکنوں کی خُلد میں
کہ فرقتوں کے گھاؤ اُن کی دِید سے رفُو کروں
Yeh arzu basi hui hai dhadknon ki khuld mein
Ke farqaton ke gha’o un ki deed se rafu karun
تجھے ہی سوچتا رہوں میں ہر گھڑی شہِ اُمَم
بجز ترے ہر اک خیال غرقِ آب جُو کروں
Tujhe hi sochta rahun main har ghari shah-e-umam
Bajaz tare har ek khayal gharq-e-aab ju karun
ہر ایک نقش ذہن سے مٹا دیا گیا مگر
بس ایک بات یاد ہے کہ ان کی جسُتجُو کروں
Har ek naqsh zehan se mita diya gaya magar
Bas ek baat yaad hai ke un ki justuju karun
قلم ہو وقف سرورِ امم کی نعت کے لئے
ورق ورق مدیحِ مصطفیٰ سے مُشکبُو کروں
Qalam ho waqf sarwar-e-umam ki naat ke liye
Waraq waraq madih-e-Mustafa se mushkbu karun
نگر نگر سناؤں میں سخاوتوں کے تذکرے
حضور کی نوازشوں کا ذکر سُو بسُو کروں
Nagar nagar sunaun main sakhauton ke tazkare
Huzoor ki nawazishon ka zikr su basu karun
انہی سے اشک شوئی کی ہے آس میرے قلب کو
تو کیوں نہ عرضِ حالِ دل انہی کے رُوبرُو کروں
Inhi se ashk shoi ki hai aas mere qalb ko
To kyun na arz-e-hal-e-dil inhi ke rubaru karun
Share This Naat
Share with friends and family
خطا ختن کے مشک سے دہن کو باوضُو کروں
اشفاق احمد غوری