شاہ کی تصویر ہر درپن میں ہے
اُلفتِ آقا دلِ روشن میں ہے
Shah ki tasveer har darpan mein hai
Ulfat-e aaqa dil-e roshan mein hai
ارضِ طیبہ سے پلٹ کر یہ فقیر
کس طرح جائے گا ، اِس اُلجھن میں ہے
Arz-e tayyaba se palat kar ye faqeer
Kis tarah jaaye ga, is uljhan mein hai
اب دکھا دیں اپنا در آقا مُجھے
آرزو کب سے یہ میرے من میں ہے
Ab dikha dein apna dar aaqa mujhe
Aarzoo kab se ye mere man mein hai
تُجھ پہ ، تیری آل پر قُربان ہو
جب تلک یہ جان شاہا ! تن میں ہے
Tujh pe, teri aal par qurbaaan ho
Jab talak ye jaan shaha! tan mein hai
گھر میں ہوتا ہے سدا وردِ درود
اِس لئے خوشبُو مرے آنگن میں ہے
Ghar mein hota hai sadaa wird-e durood
Is liye khushboo mere aangan mein hai
جو سکوں ملتا ہے اُن کی یاد میں
وہ سکوں کب سیم و زر میں دَھن میں ہے
Jo sukoon milta hai un ki yaad mein
Woh sukoon kab seem o zar mein, dhan mein hai
ارضِ طیبہ سے ہوا آتی ہے سو
یُوں بہاروں کا سماں گُلشن میں ہے
Arz-e tayyaba se hawa aati hai so
Yoon bahaaron ka sama gulshan mein hai
جو مہک اُن کے پسینے سے ملی
بات وہ کب سنبل و سوسن میں ہے
Jo mehak un ke paseene se mili
Baat woh kab sunbal o sosan mein hai
دل دھڑکتا ہے بہتّر بار ، یُوں
اِک پیامِ کربلا دھڑکن میں ہے
Dil dhadakta hai baha'tar baar, yoon
Ik payaam-e Karbala dhadkan mein hai
گھر حلیمہ کا معاً روشن ہوا
آیا ہے محبوب ،گو بچپن میں ہے
Ghar Haleema ka ma'an roshan hua
Aaya hai mehboob, go bachpan mein hai
اُن کی مدحت بس وظیفہ ہے جلیل
ہے اُسی سے،جو بھی فکر و فن میں ہے
Un ki mad'hat bas wazifah hai Jaleel
Hai usi se, jo bhi fikr o fan mein hai
Share This Naat
Share with friends and family
شاہ کی تصویر ہر درپن میں ہے
حافظ عبدالجلیل