مکے چار چوفیرے پکار پے گئی والی دو جہان دا آیا اے
والضحٰے چہرہ تے واللیل زلفاں کسے ماں کرماں والی جایا اے
Makay chaar chaufeeray pukar pay gayi wali do jahan da aya ae
Wadduha chehra tay walleel zulfan kisay maan karmaan wali jaya ae
اوہدے حُسن دی جھال نہ جائے جھلی حُسن والیاں مکھ لُکایا اے
جدوں ٹُردا تے کردی زمین سجدے شجر و حجر نے نوایا اے
Ohde husan di jhaal na jaye jhli husan waliyan mukh lukaya ae
Jadon turda tay kardi zameen sajday shajar o hajar ne nawya ae
نال اُنگلی دے چن توڑ دیندا آپے توڑ کے جوڑ دکھایا اے
جدوں چا ہوندا اے سورج موڑ دیندا رب اوہنوں مختار بنایا اے
Naal ungli de chan tod diynda aapay tod ke jor dikhaya ae
Jadon cha honda ae sooraj mor diynda Rab ohnu mukhtar banaya ae
رب اوہدی زبان چوں بولدا اے بولے جو قرآن فرمایا اے
اوہنوں ویکھ کلمہ پڑھیا کنکراں نیں حکم اوس نے جدوں سنایا اے
Rab ohdi zaban chon bolda ae bolay jo Quran fermaya ae
Ohnun vekh kalma parhya kankaran ne hukm os ne jadon sunaya ae
جتھے کئی خدا سن جھوٹھیاں دے جھنڈا اوتھے توحید دا لایا اے
دشمن دین گالاں اوہ دعا منگے اوہدے خلق دا انت نہ پایا اے
Jithe kai khuda san jhoothiyan de jhanda othay tauheed da laya ae
Dushman deen galan oh dua manga ohday khalq da int na paya ae
حامی اوہ غریباں تے بے کساں دا جنھے سب دا درد ونڈایا اے
کیوں نہ خوشیاں ظہوریؔ مناؤن سارے کملی والا تشریف لیایا اے
Hami oh ghareeban te be kasan da jinhe sab da dard wandaya ae
Kyun na khushiyan Zahoori manawan saray Kamli Wala tashreef liaya ae
Share This Naat
Share with friends and family
مکے چار چوفیرے پکار پے گئی والی دو جہان دا آیا اے
محمد علی ظہوری