جاتے ہیں سوئے مَدینہ گھر سے ہم
باز آئے ہند بد اَختر سے ہم
Jaate hain sooye Madinah ghar se hum
Baz aaye hind bad akhtar se hum
مار ڈالے بے قراری شوق کی
خوش تو جب ہوں اس دلِ مُضطَر سے ہم
Maar daale beqaraari shauq ki
Khush to jab hoon is dil-e-muztar se hum
بے ٹھکانوں کا ٹھکانہ ہے یہی
اب کہاں جائیں تمہارے دَر سے ہم
Be thikanon ka thikana hai yahi
Ab kahan jaayein tumhare dar se hum
تشنگیٔ حشر سے کچھ غم نہیں
ہیں غلامانِ شہ کوثر سے ہم
Tashnagi-e-hashr se kuch gham nahi
Hain ghulaman-e-shah kausar se hum
اپنے ہاتھوں میں ہے دامانِ شفیع
ڈَر چکے بس فتنۂ محشر سے ہم
Apne haathon mein hai daaman-e-shafi
Dar chuke bas fitna-e-mahshar se hum
نقش پا سے جو ہوا ہے سرفراز
دِل بدل ڈالیں گے اُس پتھر سے ہم
Naqsh-e-pa se jo hua hai sarfaraz
Dil badal daalenge us pathar se hum
گردنِ تسلیم خم کرنے کے ساتھ
پھینکتے ہیں بارِ عصیاں سر سے ہم
Gardan-e-tasleem kham karne ke saath
Phenkte hain baar-e-asiyan sar se hum
گور کی شب تار ہے پر خوف کیا
لو لگائے ہیں رُخِ اَنور سے ہم
Gor ki shab taar hai par khauf kya
Lo lagaye hain rukh-e-anwar se hum
دیکھ لینا سب مرادیں مل گئیں
جب لپٹ کر روئے اُن کے در سے ہم
Dekhleina sab muraaden mil gayin
Jab lipat kar rooe un ke dar se hum
کیا بندھا ہم کو خدا جانے خیال
آنکھیں ملتے ہیں جو ہر پتھر سے ہم
Kya bandha hum ko Khuda jaane khayal
Aankhen milte hain jo har pathar se hum
جانے والے چل دئیے کب کے حسنؔ
پھر رہے ہیں ایک بس مضطر سے ہم
Jaanewaale chal diye kab ke Hassan
Phir rahe hain ek bas muztar se hum
Share This Naat
Share with friends and family
جاتے ہیں سوئے مَدینہ گھر سے ہم
حسن رضا خان