دل ہوا گھائل ز فرقت یا رسول اللہ کرم
دیجئے در کی اجازت یا رسول اللہ کرم
Dil hua ghayal z-e-furqat ya Rasool Allah karam
Dijiye dar ki ijazat ya Rasool Allah karam
آپ کی مدحت میں پنہاں ہے سکونِ قلب و جاں
ہو میسر مجھ کو راحت یا رسول اللہ کرم
Aap ki madahat mein panha hai sukoon-e-qalb-o-jaan
Ho mayassar mujh ko rahat ya Rasool Allah karam
دل میں ہو یادِ نبیؐ ہونٹوں پہ ہو ان پر سلام
یوں رہے جاری عبادت یا رسول اللہ کرم
Dil mein ho yaad-e-Nabi ﷺ honton pe ho un par salaam
Yoon rahe jari ibadat ya Rasool Allah karam
آئے گا ایماں سمٹ کر جب مدینے اس گھڑی
ہو وہیں اپنی اقامت یا رسول اللہ کرم
Aaye ga eeman simat kar jab Madine us ghari
Ho wahin apni iqamat ya Rasool Allah karam
آپ کی نسبت سہارا ہے مرا کونین میں
بس رہے قائم یہ نسبت یا رسول اللہ کرم
Aap ki nisbat sahara hai mera konain mein
Bas rahe qaim ye nisbat ya Rasool Allah karam
سر زمینِ پاک پر اپنا ٹھکانہ ہو جلیل
دل کی ہے بس یہ ہی چاہت یا رسول اللہ کرم
Sar zameen-e-paak par apna thikana ho Jaleel
Dil ki hai bas ye hi chahat ya Rasool Allah karam
Share This Naat
Share with friends and family
دل ہوا گھائل ز فرقت
حافظ عبدالجلیل