تشریف لائی ذاتِ رسالت مآب آج
برپا ہوا زمانے میں اِک انقلاب آج
Tashreef laai zaat-e-risaalat maab aaj
Barpaa hua zamaane mein ik inqilaab aaj
کافور پل میں ہو گئی باطل کی تیرگی
یوں دیں کا جگمگانے لگا آفتاب آج
Kafoor pal mein ho gayi baatil ki teeragi
Yun deen ka jagmagaane laga aftaab aaj
اللہ رے قدومِ پیمبر کی برکتیں
طیبہ کے خار ہو گئے رشکِ گلاب آج
Allah re qadoom-e-paighambar ki barkatein
Taiba ke khaar ho gaye rashk-e-gulaab aaj
فیضانِ بارگاہِ نبیؐ کے طفیل سے
دہقاں عرب کے ہو گئے عزت مآب آج
Faizan-e-bargaah-e-Nabiؐ ke tufeel se
Dehqan Arab ke ho gaye izzat maab aaj
اپنے عمل کو اسوۂ آقاؐ میں ڈھالیے
ہونا اگر ہے آپ کو پھر کامیاب آج
Apne amal ko uswa-e-aqaؐ mein dhaaliye
Hona agar hai aap ko phir kaamyaab aaj
فکر و عمل سے عاشقِ صادق نہیں کوئی
یوں تو ہیں عاشقانِ نبیؐ بے حساب آج
Fikr o amal se aashiq-e-sadiq nahi koi
Yun to hain aashiqan-e-Nabiؐ be hisaab aaj
دامن نبیؐ کا چھوڑ کے رسوا ہوئے ہیں ہم
ورنہ کوئی سمجھتا نہ خانہ خراب آج
Daaman Nabiؐ ka chhod ke ruswa hue hain hum
Warna koi samajhta na khaana kharab aaj
ایماں ہمارا ہوگیا کمزور اس قدر
کرتے نہیں ہیں شرک سے بھی اجتناب آج
Emaan humara hogaya kamzor is qadar
Karte nahi hain shirk se bhi ijtinaab aaj
حکمِ نبیؐ کے ترک کا انجام ہے فقط
احسنؔ جو ہو رہا ہے نزولِ عذاب آج
Hukm-e-Nabiؐ ke tark ka anjaam hai faqat
Ahsanؔ jo ho raha hai nuzool-e-azaab aaj
Share This Naat
Share with friends and family
تشریف لائی ذاتِ رسالت مآب آج
احسن اعظمی