جلائے رکھتی ہوں دل میں تری ثنا کے چراغ
جگا رہے ہیں تخیل ، تری وِلا کے چراغ
Jalae rakhti hoon dil mein teri sana ke charagh
Jaga rahe hain takhayul, teri wala ke charagh
ترے ہی نُور سے روشن ہوئے ہیں دونوں جہاں
ہیں مہر و ماہ، ستارے تری ضیا کے چراغ
Tere hi noor se roshan hue hain dono jahan
Hain mehr o mah, sitare teri zia ke charagh
اندھیری شب کا تصور نہیں حیات میں اب
’’حریمِ جاں میں ہیں روشن تری عطا کے چراغ‘‘
Andheri shab ka tasawwur nahi hayat mein ab
''Hareem e jaan mein hain roshan teri ata ke charagh''
خوشا نصیب کہ شہرِ کرم میں آئی ہوں
جلے ہیں اُن کی رضا سے مری دعا کے چراغ
Khush nasib keh shehar e karam mein aayi hoon
Jale hain un ki raza se meri dua ke charagh
ملی ہے عشقِ محمد سے روشنی جن کو
وہی تو رکھے ہیں میں نے بچا بچا کے چراغ
Mili hai ishq e Muhammad se roshni jin ko
Wahi to rakhe hain mene bacha bacha ke charagh
خدا تو مالکِ کُل ہے حُضور قاسم ہیں
انہی کے پاس خزانے ہیں اور سخا کے چراغ
Khuda to malik e kul hai Huzur Qasim hain
Inhi ke paas khazane hain aur sakha ke charagh
وفا کی روشنی بڑھ کر ہے ان اجالوں سے
یہی بتایا تھا ، شبیر نے بجھا کے چراغ
Wafa ki roshni barh kar hai un ujalon se
Yahi bataya tha, Shabbir ne bujha ke charagh
اے نازؔ کاش تُو ہوتی کنیز زہرہ کی
تو اُن کے حجرے میں رکھتی جلا جلا کے چراغ
Ae Nazؔ kaash tu hoti kaneez e Zahra ki
To un ke hujre mein rakhti jala jala ke charagh
Share This Naat
Share with friends and family
جلائے رکھتی ہوں دل میں تری ثنا کے چراغ
صفیہ ناز