اہلِ طائف ! کیا کِیا ہے اور تُم کو کیا ملا
سنگباری کی ، دعاؤں کا تمہیں تحفہ ملا
Ahl-e-Taif! kya kiya hai aur tum ko kya mila
Sangbari ki, duao ka tumhein tohfa mila
عُمر بھر جس نیند کو ترسے ہیں عاشق رات دن
’’خاک ہو کر عشق میں آرام سے سونا ملا ‘‘
Umar bhar jis neend ko tarasay hain aashiq raat din
“Khaak ho kar ishq mein aaraam se sona mila”
ہو گئی جس کو زیارت خواب میں سرکار کی
مرحبا صد مرحبا ! جنت کا پھر مژدہ ملا
Ho gayi jis ko ziarat khwab mein sarkar ki
Marhaba sad marhaba! Jannat ka phir mujda mila
خوش نصیبی کھینچ لائی آپ کے در پر مجھے
دیکھنے کو پھر یہاں پر آپ کا روضہ ملا
Khush naseebi kheench laayi aap ke dar par mujhe
Dekhne ko phir yahan par aap ka roza mila
آپ کے در کی گدائی کا ملا جن کو شرف
اُن کو رُتبہ بادشاہوں سے کہیں اعلٰی ملا
Aap ke dar ki gadhaai ka mila jin ko sharaf
Un ko rutba badshahon se kahin aala mila
پڑھ گئے قرآن منبر پر بہت قاری مگر
ابنِ حیدر کو سناں کی نوک پر پڑھنا ملا
Parh gaye Quran minbar par bohot qaari magar
Ibn-e-Haydar ko sanaan ki nok par parhna mila
اہلِ ایماں پر ہے واجب ہر گھڑی شُکرِ خُدا
ہو گیا احسان ہم پر آپ سا آقا ملا
Ahl-e-imaan par hai wajib har ghadi shukar-e-Khuda
Ho gaya ehsaan hum par aap sa aaqa mila
کس قدر سرشار تھا میں کر سکوں کیونکر بیاں
جب مواجہ پر کھڑا تھا ، قُرب کا لمحہ ملا
Kis qadar sarshaar tha main kar sakun kyunkar bayan
Jab muwajah par khada tha, qurb ka lamha mila
رشک کرتا ہے زمانہ اُن کی قسمت پر جلیل
سر پہ رکھنے کو جنہیں نعلین کا تلوا ملا
Rashk karta hai zamana un ki qismat par jaleel
Sar pe rakhne ko jinhein naalain ka talwa mila
Share This Naat
Share with friends and family
اہلِ طائف ! کیا کِیا ہے اور تُم کو کیا ملا
حافظ عبدالجلیل