جہاں ذکر نبیؐ پیہم نہیں ہے
وہاں انوار کا عالم نہیں ہے
Jahan zikr Nabiؐ peham nahi hai
Wahan anwaar ka aalam nahi hai
تمنائے حرم بھی کم نہیں ہے
ابھی لو عشق کی مدھم نہیں ہے
Tamanna-e-Haram bhi kam nahi hai
Abhi lo ishq ki madhdam nahi hai
کہاں اس آنکھ میں نور تجلی
جو یاد مصطفیٰ میں نم نہیں ہے
Kahan is aankh mein noor-e-tajalli
Jo yaad Mustafa mein nam nahi hai
رسولان خدا میں ان کی مانند
کوئی اعظم کوئی اکرم نہیں ہے
Rusulan e Khuda mein unki manind
Koi a'azam koi akram nahi hai
نبیؐ سے گر نہیں ربط مسلسل
خدا سے ربط بھی محکم نہیں ہے
Nabiؐ se gar nahi rabt-e-musalsal
Khuda se rabt bhi muhkam nahi hai
بہ یاد شاہؐ دیں آنکھیں ہیں پر نم
یہ بخشش یہ عنایت کم نہیں ہے
Ba yaad Shahؐ deen aankhein hain par nam
Yeh bakhshish yeh inayat kam nahi hai
جو سر جھکتا ہے ان کے آستاں پر
کسی سلطاں کے آگے خم نہیں ہے
Jo sar jukta hai un ke astaan par
Kisi sultan ke aage kham nahi hai
ملا ہے جب سے ذوق نعت گوئی
میر ا عالم میرا عالم نہیں ہے
Mila hai jab se zauk-e-naat goi
Mera aalam mera aalam nahi hai
مئے حب نبیؐ کا پینے والا
اسیر عشق جام جم نہیں ہے
Mey hub Nabiؐ ka peene wala
Aseer ishq jaam-e-jam nahi hai
تعالیٰ اللہ بہ فیض مدح خواجہؐ
کہ اب بیکار کوئی دم نہیں ہے
Ta’ala Allah ba faiz-e-madh-khwajaؐ
Ke ab bekaar koi dam nahi hai
بجز دین متیں کے اور کچھ بھی
علاج شورش عالم نہیں ہے
Bajuz deen mateen ke aur kuch bhi
Ilaj-e-shorish-e-alam nahi hai
خرد پر رکھ نہ عشق شہؐ کی بنیاد
کہ بنیاد خرد محکم نہیں ہے
Khirad par rakh na ishq-e-Shahؐ ki buniyad
Ke buniyad-e-khirad muhkam nahi hai
ہیں قرآں میں اشارے مدح شہؐ کے
اشارہ کوئی بھی مبہم نہیں ہے
Hain Qur'an mein ishara-e-madh-e-Shahؐ ke
Ishara koi bhi mubham nahi hai
وہاں شان کرم دیکھوں گا مظہر
مجھے روز جزا کا غم نہیں ہے
Wahan shaan-e-karam dekhunga mazhar
Mujhe roz-e-jaza ka gham nahi hai
Share This Naat
Share with friends and family
جہاں ذکر نبیؐ پیہم نہیں ہے
مظہر الدین مظہر