جمال با کمال رنگ و نور لاجواب ہے
مرا رسول ربِ دو جہاں کا انتخاب ہے
Jamal ba kamal rang o noor lajwab hai
Mera Rasool Rab e do jahan ka intekhab hai
بدن ہے مشک و عنبر و عبیر کی قیام گہ
فدا ہے ان پہ یاسمیں فریفتہ گلاب ہے
Badan hai mashk o anbar o abeir ki qayam gah
Fida hai un pe yasmeen fareefta gulab hai
جبینِ شاہِ دوسرا کی کیا مثال دے کوئی
نثار جن کی ایڑیوں پہ حسنِ ماہتاب ہے
Jabeen e Shah e dosra ki kiya misaal de koi
Nisar jin ki eeriyon pe husn e mahtab hai
اُدھر جمالِ شاہِ دیں اِدھر ہے پیاس دید کی
میانِ طالب و طلب حیات کا حجاب ہے
Uddhar jamal e Shah e deen idhar hai pyas deed ki
Mayan e talib o talab hayat ka hijab hai
مفید اور با مراد رت جگوں میں رات بھر
میں ان کو سوچتا ہوں جن کو سوچنا ثواب ہے
Mufeed aur ba murad rat jugon mein raat bhar
Main un ko sochta hoon jin ko sochna sawab hai
لبوں پہ صبح شام اسمِ شاہ کا ہے انگبیں
مشامِ جاں میں مشکبو خیالِ آں جناب ہے
Labon pe subah shaam ism e Shah ka hai angbeen
Musham e jaan mein mashkbu khayal e aan janab hai
اگرچہ نامۂ عمل میں اور کچھ نہیں مگر
محبتِ رسول اور نعت کی کتاب ہے
Agarche nama e amal mein aur kuch nahi magar
Mohabbat e Rasool aur naat ki kitaab hai
Share This Naat
Share with friends and family
جمال با کمال رنگ و نور لاجواب ہے
اشفاق احمد غوری