سرورِ سروراں فخرِ کون و مکاں، کوئی تجھ سا کہاں کوئی تجھ سا کہاں
تیری چوکھٹ ہے بوسہ گہِ قُدسیاں، کوئی تجھ سا کہاں کوئی تجھ سا کہاں
Sarwar-e-Sarwaraan fakhr-e-kawn o makaan, koi tujh sa kahaan koi tujh sa kahaan
Teri chaukhat hai bosa gah-e-qudsiyan, koi tujh sa kahaan koi tujh sa kahaan
جو زمانے میں پامال و بدحال تھے، ان کو بخشے ہیں تو نے نئے ولولے
تجھ سے روشن ہوا بختِ تیرہ شباں، کوئی تجھ سا کہاں کوئی تجھ سا کہاں
Jo zamaanay mein paamaal o badhaal thay, un ko bakshe hain tu nay naye walwalay
Tujh se roshan hua bakht-e-teerah shabaan, koi tujh sa kahaan koi tujh sa kahaan
حدِّ روح الامینی سے بھی ماوراء خوش خرامی ہوئی تیری مُعجِز نُما
اے گلستانِ وحدت کے سروِ رواں، کوئی تجھ سا کہاں کوئی تجھ سا کہاں
Had-e-Rooh al-Ameeni se bhi mawaraa khush khuraami hui teri moojiz numa
Ae Gulistan-e-Wahdat ke sarw-e-rawaan, koi tujh sa kahaan koi tujh sa kahaan
تیرا طرزِ تکلّم ہے موجِ صبا تیرے الفاظ پر نُور و نکہت فدا
نطق سے تیرے ناطق ہے ربِ جہاں، کوئی تجھ سا کہاں کوئی تجھ سا کہاں
Tera tarz-e-takalum hai mauj-e-saba tere alfaaz par noor o nakhat fidaa
Nutq se tere naatiq hai Rab-e-jahaan, koi tujh sa kahaan koi tujh sa kahaan
زینت افزائے بُرجِ "دَنَا" ہے توئی مسند آرائے عرشِ عُلا ہے توئی
ہے توئی بزمِ "قوسین" کا رازداں، کوئی تجھ سا کہاں کوئی تجھ سا کہاں
Zeenat afzaaye burj-e "Danaa" hai toee masnad aaraa'e arsh-e-ulaa hai toee
Hai toee bazm-e "Qausain" ka raazdaan, koi tujh sa kahaan koi tujh sa kahaan
تیری رحمت، عداوت فراموش ہے تو عطا پاش ہے تو خطا پوش ہے
دشمنِ جاں کو بھی تو نے بخشی اماں، کوئی تجھ سا کہاں کوئی تجھ سا کہاں
Teri rehmat, adawat faramosh hai tu ata paash hai, tu khata posh hai
Dushman-e-jaan ko bhi tu nay bakshe amaan, koi tujh sa kahaan koi tujh sa kahaan
وہ جسے تیرا آئین مرغُوب ہے، کب وہ تہذیبِ حاضِر سے مرعُوب ہے
تیری سیرت تمدُّن کی روحِ رواں، کوئی تجھ سا کہاں کوئی تجھ سا کہاں
Woh jise tera aaeen marghoob hai, kab woh tehzeeb-e-haazir se maroob hai
Teri seerat tamaddun ki rooh-e-rawaan, koi tujh sa kahaan koi tujh sa kahaan
قائدِ انس و جاں مالکِ خشک و تر رہبرانِ اُمم تیرے دریوزہ گر
تیرا ہر نقشِ پا نورِ دیدہ وراں، کوئی تجھ سا کہاں کوئی تجھ سا کہاں
Qaid-e-ins o jaan maalik-e-khushk o tar rehbaraan-e ummam tere dariwazah gar
Tera har naqsh-e-paa noor-e-deedah wara, koi tujh sa kahaan koi tujh sa kahaan
بانوے بانوانِ جہاں فاطمہؑ حیدر و شبّرؑ و شاہِ گلِ گوں قباؑ
تیری عترت سے قائم ہے حق کا نشاں، کوئی تجھ سا کہاں کوئی تجھ سا کہاں
Banoe banuwan-e-jahaan Fatima(as) Haidar o Shabbir(as) o Shah-e-gul-e-goon qaba(as)
Teri itrat se qaaim hai haq ka nishaan, koi tujh sa kahaan koi tujh sa kahaan
میرے الفاظ درماندہ و بے نوا، میرا سرمایہء فکر و فن نارسا
مجھ سا عاجز کہاں تیری مدحت کہاں، کوئی تجھ سا کہاں کوئی تجھ سا کہاں
Mere alfaaz darmanda o be navaa, mera sarmaya-e fikr o fun naarsa
Mujh sa aajiz kahaan teri madahat kahaan, koi tujh sa kahaan koi tujh sa kahaan
Share This Naat
Share with friends and family
سرورِ سروراں فخرِ کون و مکاں
سیّد شاکر القادری چِشتی نِظامی