مہ و خورشید ہیں قربان جمالِ عارض
مرحبا صلِّ علیٰ شانِ کمالِ عارض
mah o khursheed hain qurbaan jamal-e-aariz
marhaba sallay ala shan-e-kamal-e-aariz
ہم نے جب بھی رخِ انور کا تصور باندھا
پائی قرآں کی سورت میں مثالِ عارض
hum ne jab bhi rukh-e-anwar ka tasawwur bandha
payee quraan ki surat mein misaal-e-aariz
صدقہء نورِ محمد ہے وجودِ عالم
حسنِ عالم ہے رہینِ خد و خالِ عارض
sadqa-e-noor-e-Muhammad hai wujood-e-aalam
husn-e-aalam hai raheen-e-khud o khaal-e-aariz
اور کیا چاہیے اس حسنِ محمد کا ثبوت
رب بیاں کرتا ہے قرآں میں مثالِ عارض
aur kya chahiye is husn-e-Muhammad ka saboot
rab bayaan karta hai quraan mein misaal-e-aariz
عیدِ ایماں کی بشارت ہے ہر اک مومن کو
فلکِ رخ پہ مزیّن ہے ہلالِ عارض
eid-e-imaan ki basharat hai har ak momin ko
falak-e-rukh pe muze-in hai hilaal-e-aariz
منبعِ نور سراسر ہے جبینِ اقدس
اور آئینہء طلعت ہے جمالِ عارض
manba-e-noor sarasar hai jabeen-e-aqdas
aur aaina-e-tul-ut hai jamal-e-aariz
مطلعِ نظم جہاں ہے رخِ انور ان کا
حسنِ مطلع کو مناسب ہے مثالِ عارض
matla-e-nazm-e-jahan hai rukh-e-anwar un ka
husn-e-matla ko munaasib hai misaal-e-aariz
جو بھی سنتا ہے وہ کہتا ہے بس اک بات کہ ہاں
نظمی کرتا ہے بیاں خوب ہی حالِ عارض
jo bhi sunta hai woh kehta hai bas ek baat ke haan
nazmi karta hai bayaan khoob hi haal-e-aariz
Share This Naat
Share with friends and family
مہ و خورشید ہیں قربان جمالِ عارض
سید آل رسول حسنین میاں برکاتی نظمی