اذاں میں اسمِ نبی سن لیا تھا بچپن میں
بسے ہوئے ہیں وہی ذی وقار دھڑکن میں
Azaan mein ism-e-nabi sun liya tha bachpan mein
Base hue hain wahi zee waqar dhadkan mein
ترے ہی روپ گلوں کو دیئے گئے ہوں گے
مہک تری ہے چمیلی گلاب سوسن میں
Tere hi roop gulon ko diye gaye hon ge
Mehak teri hai chameli gulaab sosan mein
عبیر و عود مطوّف و پرشد ترے پسینے کے
ختن کا مشک مہکتا ہے تیرے دھوون میں
Abeer o oud motawwaff o purshad tere paseene ke
Khatan ka mushk mehekta hai tere dhoon mein
قرار پاؤں گا قدمینِ شاہ میں گر کر
سنا ہے آئیں گے عالی جناب مدفن میں
Qarar paoon ga qadmien-e-shah mein gir kar
Suna hai aayenge aali janab madfan mein
رواں ہیں اشک، گناہوں کا بار کاندھے پر
ندامتوں کے سوا کچھ نہیں ہے دامن میں
Rawaan hain ashk, gunaahon ka baar kandhe par
Nadamaton ke siwa kuch nahi hai daaman mein
جہاں سے صلِ علیٰ کی صدائیں آتی ہیں
بہت ملائکہ آتے ہیں ایسے آنگن میں
Jahan se sal-e-alaa ki sadaaen aati hain
Bohat malaaikah aate hain aise aangan mein
جو گردِ نقشِ کفِ مصطفیٰ کے لائق ہو
گلاب ایسا کوئی بھی نہیں ہے گلشن میں
Jo gard-e-naqsh-e-kaf-e-Mustafa ke laayak ho
Gulaab aisa koi bhi nahi hai gulshan mein
Share This Naat
Share with friends and family
اذاں میں اسمِ نبی سن لیا تھا بچپن میں
اشفاق احمد غوری