جدوں وقت رحلت نبی دا سی آیا

جدوں وقت رحلت نبی دا سی آیا جدوں آپ نے جانا دُنیا توں چاہیا

Jadon waqt e rehlet Nabi da si aaya Jadon aap ne jaana duniya toon chahiya

صحابہ نوں سرکار فرمان لگے شانِ رحمت سی دِکھلان لگے

Sahaba nu Sarkar ferman lage Shaan e rehmat si dikhlan lage

میرے دوستو ، ساتھیو میرے یارو میرے غمگسارو میرے جاں نثارو

Mere dosto, sathiyo mere yaaro Mere ghamgsaaaro mere jaan nisaaro

اساں نوں خُدا نے بُلایا اے یارو تے ویلا جدائیاں دا آیا اے یارو

Asaan nu Khuda ne bulaya ae yaaro Te vella judaaiyan da aaya ae yaaro

بڑی مہربانی ہے میرے تے رب دی میں منگدا پیا ہاں سدا خیر سب دِی

Bari meherbani hai mere te Rabb di Main mangda piya han sada khair sab di

کدی ظلم نہیں میں کسے تے کمایا کدی نہیں میں یارو کسے نوں ستایا

Kadi zulm nai main kise te kamaya Kadi nai main yaaro kise nu sataya

مگر فیر بھی سُن لئو ایہہ فرمان ساڈا پہنچا دیود گھر گھر چ اعلان ساڈا

Magar phir bhi sun lo eh ferman saada Pahuncha diyo ghar ghar ch ilan saada

کسے نوں جے ساتھوں ہے تکلیف آئی کسے نوں جے بے رنج ساڈے تے کائی

Kise nu je saathon hai takleef aayi Kise nu je be ranj sade te kaai

اوه پیچھے اساڈے کرے نہ شکایت لوے اجو بدلہ کرے نہ رعایت

Oh pichhe assade kare na shikayat Lowe ajo badla kare na rayayat

ایہہ سُن کے تڑپ اُٹھے سارے صحابی مہاجر تے انصار عجمی اعرابی

Eh sun ke tarrup uthe saare Sahabi Muhajir te Ansaar Ajmi Aaraabi

زمین لرز اُٹھی زمان لرز اُٹھے مکیں کنب گئے سی مکاں لرز اُٹھے

Zameen laraz uthi zaman laraz uthe Makin kanb gaye si makaan laraz uthe

گلستاں چہ ہر اک کلی رون لگ پئی مدینے دی ہر اک گلی رون لگ پئی

Gulustan ch har ik kali roon lag paee Madine di har ik gali roon lag paee

زمانے دے سب بحر و بر رون لگ پئے مدینے دے دیوار و در رون لگ پئے

Zamana de sab bahr o bar roon lag pae Madine de deewar o dar roon lag pae

ہے غم دے نعرے ہی لاؤندے صحابی تے اک بندہ اوندا اے اگے شتابی

Hai gham de naare hee laavnde Sahabi Te ik banda onda ae aage shtabi

صحابی سی اوہ وی تے ناں سی عکاشہ پیا اوہ وی سی رووندا بے تحاشہ

Sahabi si oh vi te naan si Okasha Piya oh vi si roonda be tuhasha

سی معروض ہویا اوہ اتھرو بہا کے گہن لگا سوہنے نوں نظراں جُھکا کے

Si marooz hoya oh athroo baha ke Gahan lagga sohne nu nazran jhuka ke

تساڈا میں سرکار فرمان سُن کے تے بدلے دا آج عام اعلان سُن کے

Tsaada main Sarkar ferman sun ke Te badale da aaj aam ilan sun ke

عجب واقعہ اک سناندا ہاں آقا میں بدلہ تُساڈے توں چاہندا ہاں آقا

Ajab waqia ik sananda han aaqa Main badla tussaade toon chaahnda han aqa

جاں اک وار ہندی پئی سی لڑائی تُساں کولوں مینوں سی تکلیف آئی

Jaan ek vaar hndi pey si larai Tusan kolon mainu si takleef aayi

تسیں اودوں کوڑا چلاندے سو آقا تے دشمن دے چھکے چھڑاندے سو آقا

Tuseen odon kora chalan de soqaa Te dushman de chhke chharaan de soqaa

جاں اک وار کوڑا تُساں سی چلایا میرا جسم کوڑے دی زد وچہ سی آیا

Jaan ek vaar kora tuseen si chalaya Mera jism kore di zad vich si aaya

میں چاہندا ہاں کوڑا تُساں نوں اوہ ماراں تے انج آپ توں اوہدا بدلہ اتاراں

Main chaahnda han kora tusan nu oh maaran Te inj aap ton ohda badla utaaran

تڑپ پئے صحابی ایہہ تک کے تماشہ تے کہندے نے کی تینوں ہویا عکاشہ

Tarrup paye Sahabi eh tak ke tamasha Te kehnde ne ki tenun hoiya Okasha

ایہہ بدلے دی کی تینوں پئی اے عکاشہ تیری مت ماری گئی اے عکاشہ

Eh badale di ki tenun payi ae Okasha Teri mat maari gayi ae Okasha

بنی پر ہے جس دے لئی سب خُدائی اہدے نہیں شکن تک وی متھے تے آئی

Bani par hai jis de laii sab khudai Uhde nai shikan tak vi mathe te aayi

اوہ ہس کے عکاشہ نُوں فرمان لگے تے انج شان انصاف دکھلان لگے

Oh has ke Okasha nu ferman lage Te inj shaan insaaf dikhlan lage

توں جلدی عکاشہ اوہ بدلہ اُتاریں تے کوڑا آساڈے بدن تے اوہ ماریں

Tuun jaldi Okasha oh badla utaaren Te kora Asaade badn teh oh maaren

صحابہ نوں فرمایا سوہنے نے جاؤ تے زہرا دے کولوں اوہ کوڑا لیاؤ

Sahaba nu farmaaya sohne ne jaao Te Zahra de kolon oh kora liao

تڑپدا ہویا اک صحابی ہے جاندا تے زہرا نوں سارا اے قصہ سناندا

Tarrupda hoya ik Sahabi hai jaanda Te Zahra nu saara ae qissa sunanda

ایہہ سُن کے تڑپ پئی محمد دی جائی اوہ تڑپی تے تڑپی خُدا دی خُدائی

Eh sun ke Tarrup payi Muhammad di jaai Oh tarrpi te tarrpi Khuda di khudai

سی دیتا صحابی نوں کوڑا لیا کے تے کیہیا حسین و حسن نوں بُلا کے

Si ditta Sahabi nu kora laa ke Te kiha Hussain o Hassan nu bula ke

میرے لال نانے دی خدمت چہ جاؤ ایہہ میرے تے ویلا اے کم میرے آؤ

Mere laal naane di khidmat ch jaao Eh mere te vella ae kam mere aao

چلو پیش جا کے بدن اپنے کرنا تے نانے دے قدماں تے سر جا کے دھرنا

Chalo paish ja ke badan apne karna Te naane de qadmane te sar ja ke dharna

جہنے بدلہ لینا اوہنوں جا کے کہنا اساڈے توں لے جیہڑا بدلہ توں لینا

Jehne badla leyna ohnu jaake kehna Assade ton le jiheda badla toon leyna

اوہنوں کہنا اک بدلے سو کوڑا لالے اوہنوں کہنا ساڈا توں چمڑا اُڈالے

Ohnu kehna ik badle so koda lalle Ohnu kehna saada ton chamra udalle

قصاص اوہنوں کہنا اسیں ایہہ بھراں گے شفاعت وی محشر نوں تیری کراں گے

Qassas ohnu kehna asain eh bhrange Shafaat vi mahshar nu teri karaaange

کہیو اوہنوں بیمار ہے ساڈا نانا تے جھلن گے کیویں تیرا تازیانہ

Kehyo ohnu bimaar hai saada nana Te jhllan ge kiwen tera tazaayana

کہنا صدمہ کیویں ایہہ زہرا جرے گی کہیؤ سُن کے بیٹی نبی دی مرے گی

Kehna sadma kiwen eh Zahra jre gi Kehyo sun ke beti Nabi di mare gi

چلو جاؤ دوڑو تے جلدی تھیں جاؤ اوہ اک کوڑے بدلے جنے مارے کھاؤ

Chalo jaao daudo te jaldi thio jaao Oh ik koore badle jine maare khao

ایہہ سُن کے تے شہزادے دوڑے نے جاندے تے جا کے نے ترلے عکاشہ دے پاندے

Eh sun ke te shehzade daude ne jande Te ja ke ne tarle Okasha de pande

بدن پیش کر کے تے گردن نواندے عکاشہ نوں کر کر کے منتاں مناندے

Badan paish kar ke te girdan nwande Okasha nu kar kar ke mnatan mnande

صحابہ نے وی زور سارا اے لایا عکاشہ نوں پر رحم ماسہ نہیں آیا

Sahaba ne vi zor saara ae laaya Okasha nu par rehm masa nai aaya

ایہ تک کے تے فرمایا خیر الوری نے رسُولِ دو عالم نبی مصطفے نے

Eh tak ke te farmaaya khair alwuri ne Rasool e do alem Nabi Mustafa ne

عکاشہ توں چھیتی کم نوں مکا لے جیویں تیرا جی کردا کوڑے لگا لے

Okasha toon chheti kam nu maka le Jiween tera jee karde kora laga le

نویں شرط سی پھر عکاشہ نے لائی ادب نال پھیر ایہہ گذارش سُنائی

Naveen shart si phir Okasha ne laai Adab naal phir eh guzarish sunai

مرا انج بدلہ اے رہندا ادھورا میں چاہندا ہاں آقا لواں بدلہ پورا

Mera inj badla ae rehnda adhoora Main chaahnda han aqa lawa badla poora

سی جد مینوں لایا تُساں تازیانہ میری پشت ننگی سی شاہ زمانہ

Si jad mainu laya tusan tazaayana Meri pusht nangi si Shah zamani

کرو پشت ننگی تے کوڑا میں ماراں تے انج بدلہ پورے دا پورا اُتاراں

Kero pusht nangi te kora main maaran Te inj badla poore da poora utaaran

ایہہ سُن کے صحابہ دی ہاہ نکل گئی سی نے فوراً قمیض آپ نے چا لئی سی

Eh sun ke Sahaba di haah nikal gayi si Ne foran kameez aap ne cha layee si

جاں کُرتا سی مہر نبوت توں چایا سی ہر پاسے اک نور ہی نور چھایا

Jaan kurta si mohar e nabuwat ton chaaya Si har paase ik noor he noor chhaya

عکاشہ نے جھٹ ہتھوں سُٹ تازیانہ لیا چُم منور محمد دا شانہ

Okasha ne jhat hatho sut tazaayana Lia cham manawar Muhammad da shana

خُداوند عالم دی رحمت نوں چُم کے سی مڑیا اوہ مُہرِ نبوت نوں چم کے

Khudawan e alem di rehmat nu cham ke Si mriya oh mohar e nabuwat nu cham ke

کہن لگا مُڑ دھون ادبوں جُھکا کے محمد دے قدماں تے اکھیاں لگا کے

Kehn lagga mudh dhon adabon jhuka ke Muhammad de qadmane te akhiyan laga ke

مرے آقا لگا تے سی تازیانہ میں اُنج بخش دیتا سی شاہ زمانہ

Mere aqa lagga te si tazaayana Main unj baksh ditta si Shah zamani

ایہہ جو وی اے ہن میرے سُلطان کیتا ہے دوزخ توں بچنے دا سامان کیتا

Eh jo vi ae han mere sultan kita Hai dozak ton bachne da samaan kita

میں کی ورنہ سرکار بدلہ سی لیناں میں کیوں جان بجھ کے سی دوزخ چہ پیناں

Main ki waran na Sarkar badla si leena Main kiun jaan bujh ke si dozak ch peena

عکاشہ دا سر اپنے قدماں توں چا کے کہیا میرے محبوب نے مسکرا کے

Okasha da sar apne qadmane toh cha ke Kehya mere mehboob ne muskura ke

عکاشہ تیرے تے جہنم حرام ایں تے صائم دا سوہنے نوں لکھ لکھ سلام ایں

Okasha tere te jahannum haraam ae Te saim da sohne nu lakh lakh salaam ae

Share This Naat

Related Naats

اے مدینے کے تاجدار تجھے

جو اسمِ گرامی شرفِ لو ح و قلم ہے

فاصلوں کو تکلف ہے ہم سے اگر

مظہرِ حسنِ ازل نورا لہدیٰ کے سامنے