ہم مدینے میں تنہا نکل جائیں گے اور گلیوں میں قصداً بھٹک جائیں گے
ہم وہاں جا کے واپس نہیں آئیں گے ‘ ڈھونڈتے ڈھونڈتے لوگ تھک جائیں گے
Hum Madine mein tanha nikal jaenge aur galiyon mein qasdun bhatak jaenge
Hum wahan ja ke wapas nahi aenge ' dhondtay dhondtay log thak jaenge
فاصلوں کو تکلف ہے ہم سے اگر ہم بھی بے بس نہیں بے سہارا نہیں
خوداُنہیں کو پکاریں گے ہم دور سے ‘ راستے میں اگر پاؤں تھک جائیں گے
Faslon ko takalluf hai hum se agar hum bhi bebas nahi be sahara nahi
Khud unhi ko pukareinge hum door se ' raste mein agar paon thak jaenge
میری بے نور آنکھوں پہ مت جائیے ‘ رہنمائی کی زحمت نہ فرمایئے
جب اُٹھے گی ادھر وہ نگاہِ کرم ‘ راستے تابہ منزل چمک جائیں گے
Meri be noor aankhon pe mat jaiye ' rehnumai ki zehmat na farmaiye
Jab uthay gi udhar woh nigah-e-karam ' raste taiba manzil chamak jaenge
جیسے ہی سبز گنبد نظر آئے گا ‘ بندگی کا قرینہ بدل جائے گا
سر جھکانے کی فرصت ملے گی کسے خود ہی پلکوں سے سجدے ٹپک جائیں گے
Jaise hi sabz gunbad nazar aey ga ' bandagi ka qareena badal jaega
Sar jhukanay ki fursat milegi kise khud hi palkon se sajde tapak jaenge
اے مدینے کے زائر خدا کے لئے داستان سفر مجھ کو یوں مت سنا
بات بڑھ جائے گی ‘ دل تڑپ جائے گا ‘ میرے محتاط آنسو چھلک جائیں گے
Ae Madine ke zaair khuda ke liye dastan-e-safar mujh ko yun mat suna
Baat barh jaegi ' dil tadap jaega ' mere mohtaat aansu chalak jaenge
جب چلے گی مدینہ سے ٹھنڈی ہوا‘ گھِر کے جب آئے گی اودی اودی گھٹا
ہر طرف پھول ہی پھول کھل جائیں گے ‘ بام ودر نکہتوں سے مہک جائیں گے
Jab chale gi Madina se thandi hawa ' ghir ke jab aey gi oodi oodi ghata
Har taraf phool hi phool khil jaenge ' baam o dar nkhaton se mehak jaenge
نامِ آقاﷺ جہاں بھی لیا جائے گا ‘ ذکر ان کا جہاں بھی کیا جائے گا
نور ہی نور سینوں میں بھر جائے گا‘ ساری محفل میں جلوے لپک جائیں گے
Naam-e-Aaqaﷺ jahan bhi liya jaega ' zikr un ka jahan bhi kia jaega
Noor hi noor seenon mein bhar jaega ' sari mehfil mein jalwe lapak jaenge
ان کی چشمِ کرم کو ہے اس کی خبر ‘ کس مسافر کو کتنا ہے شوقِ سفر
ہم کو اقبؔال جب بھی اجازت ملی ‘ ہم بھی آقاؐ کے دربار تک جائیں گے
Un ki chashm-e-karam ko hai is ki khabar ' kis musafir ko kitna hai shauq-e-safar
Hum ko Iqbal jab bhi ijazat mili ' hum bhi Aaqa ke dardaar tak jaenge
Share This Naat
Share with friends and family
فاصلوں کو تکلف ہے ہم سے اگر
پروفیسراقبال عظیم