مجھ کو حیرت ہے کہ میں کیسے حرم تک پہنچا
مجھ سا ناچیز درِ شاہ اُمم تک پہنچا
Mujh ko hairat hai ke main kaise Haram tak pohancha
Mujh sa na cheez dar-e-Shah-e-umm tak pohancha
ماہ وا نجم بھی ہیں جس نقشِ قدم سے روشن
آج صد شکر میں اس نقشِ قدم تک پہنچا
Mah o najam bhi hain jis naqsh-e-qadam se roshan
Aaj sad shukar main us naqsh-e-qadam tak pohancha
اس کے آگے مری جرات ‘ نہ تقاضائے ادب
میرا افسانہ فقط دیدہ ء نم تک پہنچا
Us ke agay meri jurat, na taqaza-e-adab
Mera afsana faqat deeda-e-nam tak pohancha
کتنے خوش بخت ہیں ہم لوگ کہ وہ نورِ تمام
ان اندھیروں میں ہمیں ڈھونڈ کے ہم تک پہنچا
Kitne khush bakht hain hum log ke woh noor-e-tamam
In andheron mein humein dhondh ke hum tak pohancha
جراءت اشکِ ندامت پہ ندامت ہے مجھے
اتنا گستاخ کہ دامانِ کرم تک پہنچا
Jurat-e-ashk-e-nadamat pe nadamat hai mujhe
Itna gustaakh ke daman-e-karam tak pohancha
اس کو کیا کہتے ہیں اربابِ خرد سے پوچھو
کیسے اک اُمّی لقب لوح و قلم تک پہنچا
Is ko kya kehte hain arbab-e-khirad se poochho
Kaise ek ummi laqab loh o qalam tak pohancha
نعت لکھنے کو قلم جب بھی اٹھا یا اقبؔال
قطرہ خونِ جگر نوکِ قلم تک پہنچا
Naat likhne ko qalam jab bhi uthaya Iqbal
Qatra khoon-e-jigar nok-e-qalam tak pohancha
Share This Naat
Share with friends and family
مجھ کو حیرت ہے کہ میں کیسے حرم تک پہنچا
پروفیسراقبال عظیم