یہ دوری و مہجوری تا چند مدینے سے
اے جلوہء رعنائی لگ جا مرے سینے سے
Yeh doori o mahjoori ta chand madine se
Ae jalwa-e-ranai lag ja mere sine se
یہ لذت پیہم بھی بخشش ہے مدینے کی
انوار مدینے کے لایا ہوں مدینے سے
Yeh lazat paiham bhi bakhshish hai madine ki
Anwar madine ke laya hoon madine se
امید کرم لے کر اترا ہوں سفینے سے
اک بر چلا ہوں پھر کعبے کو مدینے سے
Umeed karam le kar utara hoon safine se
Ek bar chala hoon phir kabe ko madine se
ہر گام پہ دو سجدے شائستہ قرینے سے
آواز اذاں آئی کانوں میں مدینے سے
Har gaam pe do sajde shaista qarine se
Awaaz azan aayi kanoon mein madine se
آ مانگ محبت کا اک داغ مدینے سے
ملتا نہیں یہ موتی شاہوں کے خزینے سے
Aa maang mohabbat ka ek daagh madine se
Milta nahi yeh moti shahoon ke khazine se
جبریلؑ نے پایا تھا وہ سینہ حضرتؐ سے
جو نور کہ ملتا ہے جبریلؑ کے سینے سے
Jibraeel ne paaya tha woh seena Hazrat se
Jo noor ke milta hai Jibraeel ke sine se
اب میری لحد میں بھی خوشبوئے مدینہ ہے
میں خاک شفا اک دن لایا تھا مدینے سے
Ab meri lahd mein bhi khushboo-e-madina hai
Mein khak-e-shafa ek din laya tha madine se
اے مطرب خوش لہجہ اب بول قرینے سے
نسبت مری قائم ہے ‘ مکے سے مدینے سے
Ae matrib khush lehja ab bol qarine se
Nisbat meri qaim hai ‘make se madine se
حسان العصر حضرت حافظ مظہر الدین رحمتہ اللہ علیہ کی آخری نعت جو مرض الموت کے دوران 5 مئی 1971 کے لگ بھگ لکھی گئی
Hassaan-ul-asr Hazrat Hafiz Mazhar ud Din Rahmatullah Alaih ki aakhri naat jo marz-e-maut ke dauran 5 May 1971 ke lag bhag likhi gayi
Share This Naat
Share with friends and family
یہ دوری و مہجوری تا چند مدینے سے
مظہر الدین مظہر