عرش سے بھی ماورا آقا گئے
لامکاں معراج کے دولہا گئے
Arsh se bhi mawara aaqa gaye
La-makaan meraaj ke dolha gaye
ہر طرف ہے شادمانی کا سماں
شور ہے معراج کو آقا گئے
Har taraf hai shaadmaani ka samaan
Shor hai meraaj ko aaqa gaye
اُس رُخِ بدرُالدُّجیٰ کے سامنے
چاند اور تارے سبھی شرما گئے
Us rukh-e badr-ud-duja ke saamne
Chaand aur tare sabhi sharma gaye
ہر طرف پھیلے اُجالے نور کے
ذرّہ ذرّہ بے بہا چمکا گئے
Har taraf phailay ujale noor ke
Zarra zarra be baha chamka gaye
ڈالیاں ہیں وجد میں نِکھرا چمن
چار سُو بادل کرم کے چھاگئے
Daarian hain wajd mein nikra chaman
Chaar so baadal karam ke chha gaye
مُقتدی بن کر کھڑے ہیں انبیاء
وہ جو پہلے سلطنت فرما گئے
Muqtadi ban kar kharay hain anbiya
Wo jo pehle sultanat farma gaye
مصطفیٰ سب انبیاء کے ہیں امام
واہ وا عزّ و شرف وہ پا گئے
Mustafa sab anbiya ke hain imam
Wah wah izz o sharaf wo paa gaye
چھا گئی فصلِ بہاری ہر طرف
زمزمے گا کر شجر لہرا گئے
Chha gayi fasl-e bahari har taraf
Zamzmay ga kar shajar lehra gaye
ساتھ تھے روح الامیں سدرہ تلک
لامکاں سرکار بس تنہا گئے
Saath the ruh-ul-ameen sidra talak
La-makaan sarkar bas tanha gaye
مَن الرّاٰنِی کی صدائیں تھیں وہاں
دِیدِ حق میرے محمد پا گئے
Man ar-rani ki sadaain thin wahan
Deed-e Haq mere Muhammad paa gaye
راز تھے قصرِ دنیٰ کے جس قدر
جانتے وہ سیّدِ والا گئے
Raaz the qasr-e-dana ke jis qadar
Jante wo syed-e wala gaye
ہے یہ محبوبِ خدا کا معجزہ
آنِ واحِد میں گئے اور آ گئے
Hai yeh mehboob-e khuda ka mojza
Aani wahid mein gaye aur aa gaye
کیوں بھلا مرزا وہ بھولیں حشر میں
یاد جب معراج میں فرما گئے
Kyun bhala Mirza wo bhoolen hashr mein
Yaad jab meraaj mein farma gaye
Share This Naat
Share with friends and family
عرش سے بھی ماورا آقا گئے
مرزا جاوید بیگ عطاری