جب اندھیروں کے سبب کُچھ بھی نہیں تھا روشن
دشتِ امکاں میں ہُوئی مشعلِ کعبہ روشن
Jab andheron ke sabab kuch bhi nahi tha roshan
Dasht-e imkaan mein hui mash'al-e ka'bah roshan
حرمِ پاک کے آنگن سے طلُوعِ خُورشید
روئے اصنام سیہ چہرۂ مولا روشن
Haram-e pak ke aangan se tulu-e khursheed
Roe asnaam siyah chehra-e Maula roshan
کفِ اِسلام میں ہے صُورتِ مہتابِ جمیل
اِس سے اُمّت کے مقدّر کا ستارہ روشن
Kaf-e Islam mein hai soorat-e mahtaab-e jameel
Is se Ummat ke muqaddar ka sitaara roshan
اِس کی نسبت سے فروزاں مرا ایماں مرا دیں
میری دُنیا متجلّی مِری عقبےٰ روشن
Is ki nisbat se farozan mera imaan mera deen
Meri duniya mutajalli meri uqba roshan
میرے جذبات مُطہّر، مری سوچیں مثبت
میری آواز توانا، مِرا لہجہ روشن
Mere jazbaat mutahhar, meri sochain masbat
Meri awaaz towana, mera lehja roshan
اِس اُجالے سے منوّر مرا ماضی، مرا حال
اِس چمک سے مِری پیشانئ فردا روشن
Is ujale se munawwar mera maazi, mera haal
Is chamak se meri peshaani-e farda roshan
چشمِ اقوام و ملل میں مِری پہچان اس سے
صفحۂ دہر پہ ہے میرا حوالہ روشن
Chashm-e aqwam-o-millal mein meri pehchan is se
Safha-e dahr pe hai mera hawala roshan
ایک مرکز ہے فقط وحدتِ اسلامی کا
گنّبدِ وقت میں ہے ایک دریچہ روشن
Ek markaz hai faqat wahdat-e Islami ka
Gunbad-e waqt mein hai ek dareecha roshan
ایک ہے ساحلِ امّید سفینوں کے لِئے
تُند امواج میں ہے ایک منارہ روشن
Ek hai sahil-e umeed safeeno ke liye
Tund amwaaj mein hai ek minara roshan
ہم خیالی کی فضا اہلِ سفر میں اس سے
یہی صحرا، یہی وادی، یہی رستہ روشن
Hum khayali ki fiza ahl-e safar mein is se
Yahi sahra, yahi waadi, yahi rasta roshan
ربط اس مرکزِ وحدت سے بڑھے گا جتنا
ہوگا تاریخ میں کردار ہمارا روشن
Rabt is markaz-e wahdat se badhe ga jitna
Hoga tareekh mein kirdar hamara roshan
کعبۂ عِشق ترے صحن و دَر و بام آباد
منزلِ اہلِ محبّت! ترا ماتھا روشن
Ka'bah-e ishq tere sehn-o-dar-o-baam aabaad
Manzil-e ahl-e mohabbat! Tera matha roshan
Share This Naat
Share with friends and family
جب اندھیروں کے سبب کُچھ بھی نہیں تھا روشن
عاصی کرنالی