آئیں جب خاتونِ جنت اپنے گھر
پڑ گئے سب کام ان کی ذات پر
Aayein jab khatoon-e-jannat apne ghar
pr gai sab kaam un ki zaat pr
کام سے کپڑے بھی کالے پڑ گئے
ہاتھ میں چکی سے چھالے پڑ گئے
kaam se kaprde bhi kalay prde gaye
haath mein chaki se chhalay prde gaye
دی خبر زَہرا کو اَسَدُ اللہ نے
بانٹے ہیں قیدی رَسُوْلُ اللہ نے
Di khabar Zahra ko Asadullah ne
Bantay hainqaidi Rasulullah ne
ایک لونڈی بھی اگر ہم کو ملے
اس مصیبت سے تمہیں راحت ملے
Ek laundi bhi agar hum ko mile
Is museebat setumhein rahat mile
سن کے زَہرا آئیں صدیقہ کے گھر
تاکہ دیکھیں ہاتھ کے چھالے پدر
Sun ke Zahra aayein Siddiqa keghar
Taake dekhein haath ke chhalay pidar
پر نہ تھے دولت کدہ میں شاہِ دیں
والدہ سے عرض کرکے آگئیں
Pr na the daulat kadah mein Shah-e-deen
Walida se arz karke aa gain
گھر میں جب آئے حبیبِ کبریا
والدہ نے ماجرا سارا کہا
Ghar mein jab aaye Habib-e-Kibriya
Walida ne maajra saara kaha
فاطمہ چھالے دکھانے آئی تھیں
گھر کی تکلیفیں سُنانے آئی تھیں
Fatima chhalay dikhane aayi thein
Ghar ki takleefein sunane aayi thein
آپ کو گھر میں نہ پایا شاہِ دیں
مجھ سے سب دُکھ درد اپنا کہہ گئیں
Aap ko ghar mein na paya Shah-e-deen
Mujh se sab dukh dard apna keh gayin
ایک خادم آپ اگر ان کو بھی دیں
چکی اور چولہے کے وہ دُکھ سے بچیں
Ek khadim aap agar unko bhi dein
Chaki aur choolhay ke wo dukh se bachin
سن لیا سب کچھ رسولِ پاک نے
کچھ نہ فرمایا شہِ لولاک نے
Sun liya sab kuch Rasool-e-pak ne
Kuch na farmaya Shah-e-lolak ne
شب کو آئے مصطفیٰ زَہرا کے گھر
اور کہا دُختر سے اے جانِ پدر
Shab ko aaye Mustafa Zahra ke ghar
Aur kaha dukhtar se aye jaan-e-pidar
ہیں یہ خادم ان یتیموں کے لیے
باپ جن کے جنگ میں مارے گئے
Hain ye khadim in yateemon ke liye
Baap jin ke jung mein maray gaye
تم پہ سایہ ہے رسول اللہ کا
آسرا رکھو فقط اللہ کا
Tum pe saaya hai Rasoolullah ka
Asra rakho faqat Allah ka
ہم تمہیں تسبیح اِک ایسی بتائیں
آپ جس سے خادِموں کو بھول جائیں
Hum tumhe tasbeeh ik aisi bataen
Aap jis se khadimon ko bhool jaen
اوّلاً سُبْحٰن ۳۳ بار ہو
اور پھر اَلْحَمْد اِتنی ہی پڑھو
Awalan Subhan 33 bar ho
Aur phir Alhamd itni hi padho
اور ۳۴ بار ہو تکبیر بھی
تاکہ ۱۰۰ ہوجائیں یہ مل کر سبھی
Aur 34 bar ho takbeer bhi
Taake 100 ho jaen ye mil kar sabhi
پڑھ لیا کرنا اسے ہر صبح و شام
وِرد میں رکھنا اسے اپنے مُدام
Padh liya karna isehar subh o shaam
Wird mein rakhna ise apne mudam
خلد کی مختار راضی ہوگئیں
سن کے یہ ُگفتار خوش خوش ہوگئیں
Khald ki mukhtar raazi ho gain
Sun ke ye guftaar khush khush ho gain
سالکؔ ان کی راہ جو کوئی چلے
دین و دنیا کی مصیبت سے بچے
Saalik un ki raah jo koi chale
Deen o duniya ki museebat se bache
Share This Naat
Share with friends and family
آئیں جب خاتونِ جنت اپنے گھر
مفتی احمد یار نعیمی