جا کے صَبا تو کُوئے محمّد صلّی اللہ علیہ وسلّم
لا کے سنگھا خوشبوئے محمّد صلّی اللہ علیہ وسلّم
Ja ke saba tu koo-e-Muhammad ﷺ
La ke sangha khushboo-e-Muhammad ﷺ
چاک ہے ہجر میں اپنا سینہ دل میں بسا ہے شہر مدینہ
چشم لگی ہے سُوئے محمّد صلّی اللہ علیہ وسلّم
Chaak hai hijr mein apna seenah dil mein basa hai shehr-e-Madinah
Chashm lagi hai soo-e-Muhammad ﷺ
حشر کا خوف ہے سب پر غالب سب ہیں رضائے حق کے طالب
حق کی نظر ہے سُوئے محمّد صلّی اللہ علیہ وسلّم
Hashr ka khauf hai sab par ghalib sab hain raza-e-haq ke talab
Haq ki nazar hai soo-e-Muhammad ﷺ
تشنہ دہانو غم ہے تمہیں کیا ابر ِ کرم اب جھوم کے برسا
لو، وہ کھلے گیسوئے محمّد صلّی اللہ علیہ وسلّم
Tishna dahaanon gham hai tumhein kya abr-e-karam ab jhoom ke barsa
Lo, woh khulay gesoo-e-Muhammad ﷺ
رنگ ہے انکا باغِ جہان میں اُنکی مہک ہے خلد و جناں میں
سب میں بسی خوشبوئے محمّد صلّی اللہ علیہ وسلّم
Rang hai unka bagh-e-jahan mein unki mehak hai khuld o janaan mein
Sab mein basi khushboo-e-Muhammad ﷺ
شمس و قمر میں ارض و فلک میں جن و بشر میں حور و ملک میں
عکس فگن ہے روئے محمّد صلّی اللہ علیہ وسلّم
Shams o qamar mein arz o falak mein jin o bashar mein hoor o malak mein
Aks fagan hai roo-e-Muhammad ﷺ
مشک و گلاب و عود وعنبرخاک میں ڈالوں سب کے اوپر
پاؤں اگر خوشبوئے محمّد صلّی اللہ علیہ وسلّم
Mishk o gulaab o Oud o Anbar khak mein daaloon sab ke ooper
Paaon agar khushboo-e-Muhammad ﷺ
سیف خدا پر جنگ ہو آساں ‘ ہو غزوات میں فتح نمایاں
اے تری شوکت مُوئے محمّد صلّی اللہ علیہ وسلّم
Saif-e-khuda par jang ho aasan, ho ghazwat mein fatah numayaan
Ae teri shaukat moo-e-Muhammad ﷺ
دین کے شمن انکو ستائیں ‘ دیں یہ ہمیشہ انکو دُعائیں
سب سے نرالی خُوئے محمّد صلّی اللہ علیہ وسلّم
Deen ke shamn unko satayen, den ye hamesha unko duaaen
Sab se nirali khoo-e-Muhammad ﷺ
ہو نہ جمیلِؔ قادری مضطر ‘ ہاتھ اُٹھا کر حق سے دُعا کر
مجھ کو دِکھا دے کُوئے محمّد صلّی اللہ علیہ وسلّم
Ho na Jameel Qadri muztar, haath uthha kar Haq se duaa kar
Mujh ko dikha de koo-e-Muhammad ﷺ
Share This Naat
Share with friends and family
جا کے صَبا تو کُوئے محمّد صلّی اللہ علیہ وسلّم
جمیل قادری