نُور لمحات میں اب عشق سویرا ہوگا
دل کی بستی میں فقط آپکا ڈیرا ہوگا
Noor lamhaat mein ab ishq sawera hoga
Dil ki basti mein faqat aapka dera hoga
دل کی اے میرِ سفر مجھ کو خبر کوئی نہیں
درِ آقاؐ سے ملا ہے تو یہ میرا ہوگا
Dil ki ae mir-e-safar mujh ko khabar koi nahi
Dar-e-aqa (SAW) se mila hai to yeh mera hoga
دمِ رُخصت مرے آقاؐ یہ یقیں ہے مجھ کو
ذہن میں بس تری یادوں کا بسیرا ہوگا
Dam-e-rukhsat mere aqa (SAW) yeh yaqeen hai mujh ko
Zehan mein bas teri yaadon ka basera hoga
سرورِ دین کی اُلفت ہے اگر قبلہِ جاں
بالیقیں خاتمہ ایمان پہ تیرا ہوگا
Sarwar-e-deen ki ulfat hai agar qibla-e-jaan
Balyakeen khatima imaan pe tera hoga
پیکرِ نُور کی جب جلوہ نمائی ہے وہاں
کیسے یہ مان لوں مدفن میں اندھیرا ہوگا
Paikar-e-noor ki jab jalwa numaai hai wahan
Kaise yeh maan loon madfan mein andhera hoga
شافعِ حشر کی نسبت مرے کام آئے گی
جب مجھے حشر کے آلام نے گھیرا ہوگا
Shafi-e-hashr ki nisbat mere kaam aayegi
Jab mujhe hashr ke aalaam ne ghera hoga
تری رحمت کے سمندر سے بٹے گا جس دم
مجھ گنہگار کو اِک قطرہ بہتیرا ہوگا
Teri rehmat ke samandar se bate ga jis dam
Mujh gunahgaar ko ik qatra bahtera hoga
بزمِ سرکارؐ میں دیکھی ہے حقیقت یہ شکیلؔ
جتنا جھک جائے کوئی اتنا وڈیرا ہوگا
Bazm-e-sarkar (SAW) mein dekhi hai haqeeqat yeh Shakeel
Jitna jhuk jaye koi utna wadera hoga
Share This Naat
Share with friends and family
نُور لمحات میں اب عشق سویرا ہوگا
محمد شکیل نقشبندی