انسانیت کا محسن اعظم حسین ہے
رُوحانیت کا مہرِ معظم حسین ہے
Insaniyat ka mohsin e azam Hussain hai
Ruhanit ka mehr e mo'azzam Hussain hai
سَر دے کے جس نے کفر کے پاؤں ہلا دیئے
جاں دے کے جس نے دِیں کیا محکم حسین ہے
Sar de ke jis ne kufr ke paon hila diye
Jaan de ke jis ne deen kiya mohkamm Hussain hai
صدق و وفا و عزم کی تصویر لاجواب
ناطق کتاب ، دینِ مجسم حسین ہے
Sidq o wafa o azm ki tasveer lajwaab
Natiq kitaab, deen e mujassam Hussain hai
جانِ بتول، روشنئ چشمِ بو تراب
نازِ رسولؐ ، فخرِ دو عالم حسین ہے
Jaan e Batool, roshnai chashm e bu turaab
Naz e Rasool, fakhr e do aalam Hussain hai
روشن نشانِ رفعت و اعزازِ خاکیاں
زندہ دلیلِ عظمتِ آدم حسین ہے
Roshan nishan e rafa'at o a'zaaz e khaakiyan
Zinda daleel e azmat e Aadam Hussain hai
Share This Naat
Share with friends and family
انسانیت کا محسن اعظم حسین ہے
حفیظ تائب