مزاجِ زندگی ہے سخت برہم سیّدِؐ عالم
دگر گوں ہیں بہت احوالِ عالم سیّدِؐ عالم
Mizaaj-e-zindagi hai sakht barham sayyid-e-ؐaalam
Digar goon hain bohat ahwaal-e-aalam sayyid-e-ؐaalam
نرالے دردوغم سے ہے دوچار اس عہد کا انساں
نہیں چارہ کوئی جن کا فراہم سیّدِؐعالم
Niraalay dard o gham se hai do chaar is ehad ka insaan
Nahiin chara koi jin ka fraaham sayyid-e-ؐaalam
اسیرِ حادثاتِ نَو بَنو ہے اُمّتِ آخر
کہ اس پر یورشِ اعدا ہے پہیم سیّدِؐعالم
Aseer-e-haadsaat-e-nau-banu hai ummat-e-aakhir
Ke is par yawrish-e-a'da hai paheem sayyid-e-ؐaalam
عنایت کا ہے جویا ہر دلِ افسردہ و محزوں
طلب گارِ کرم ہر چشمِ پُرنم سیّدِؐعالم
Inaayaat ka hai joya har dil-e-afsurda o mahzoon
Talab gaar-e-karam har chashm-e-purnam sayyid-e-ؐaalam
مداوا سب دُکھوں کا ہے دعا تری شہِؐ والا
نظر تیری ہے سب زخموں کا مرہم سیّدِؐعالم
Madawa sab dukhon ka hai dua teri shayh-e-ؐwala
Nazar teri hai sab zakhmon ka marham sayyid-e-ؐaalam
تری عظمت زمانے میں مسلّم سیّدِؐعالم
موخّر ہو کے بھی تو ہے مقّدم سیّدِؐعالم
Teri azmat zamane mein musallam sayyid-e-ؐaalam
Mo-akhar ho ke bhi tu hai muqaddam sayyid-e-ؐaalam
تری تعلیم نے انساں پہ کھو لے راز ہستی کے
تری ممنون ہے اولادِ آدم سیّدِؐعالم
Teri taleem ne insaan pe kholay raaz-e-hasti ke
Teri mamnoon hai aulaad-e-aadam sayyid-e-ؐaalam
کہاں فکرِ زبوں میرا ، کہاں اوج و شرف تیرا
اڑا عرشِ بریں پر تیرا پرچم سیّدِؐعالم
Kahan fikr-e-zaboon mera, kahan ooj o sharaf tera
Uda arsh-e-bareen par tera parcham sayyid-e-ؐaalam
چمن زارِ تمنّا جس سے رہتا ہے تروتازہ،
وہ ہے تیری حسیں یادوں کی شبنم سیّدِؐعالم
Chaman zaar-e-tamanna jis se rehta hai tarotaaza,
Woh hai teri haseen yaadon ki shabnam sayyid-e-ؐaalam
Share This Naat
Share with friends and family
مزاجِ زندگی ہے سخت برہم سیّدِؐ عالم
حفیظ تائب