حسین کا ہو کہیں ذِکر کوئی بات چلے
ہماری آنکھوں سے اشکوں کی اک برات چلے
Husain ka ho kahin zikar koi baat chale
Hamari aankhon se ashkon ki ik baraat chale
فلک پہ کیوں نہ بھلا کربلا کی بات چلے
غمِ حسین میں تارے تمام رات چلے
Falak pe kyun na bhala Karbala ki baat chale
Gham-e-Husain mein tare tamam raat chale
مجسَّم اُسوہ خیرؐ الانام تھے شبّیر
رضائے حق کے اشاروں پہ تاحیات چلے
Mujassam uswa-e-khairul anam the Shabbir
Raza-e-Haq ke isharon pe tahayat chale
مِلی نہ بُوند بھی پانی کی تشنہ کاموں کو
ہوائے قہر کے جھونکے سرِ فرات چلے
Mili na boond bhi pani ki tishna kamon ko
Hawa-e-qahr ke jhonke sar-e-Faraat chale
حسین حکم، الہٰی سے کربلا آئے
بساط اُلٹ دی ، ہوئی دُشمنوں کو مات ، چلے
Husain hukum, ilahi se Karbala aaye
Bisaat ulat di, hui dushmanon ko maat, chale
قیام اُن کا ہُوا منزلِ مشیّت پر
وہ جن کے ایک اشارے پہ کائنات چلے
Qayam un ka hua manzil-e-mashiyat par
Wo jin ke ek ishare pe kainat chale
چلا ہے دُھوم سے یُوں قافلہ شہیدوں کا
وفورِ شوق میں جیسے کوئی برات چلے
Chala hai dhoom se yun qafila shaheedon ka
Wafoor-e-shauq mein jaise koi baraat chale
حسین کی صفِ اعدا میں تھی یہ شانِ خِرام
ہجومِ کفر میں جس طرح نُورِ ذات چلے
Husain ki saf-e-a'daa mein thi ye shaan-e-khiram
Hujoom-e-kufr mein jis tarah noor-e-zaat chale
وفا کا نام مٹانے سے مِٹ نہیں سکتا
ہزار چال یہ دُنیائے بے ثبات چلے
Wafa ka naam mitane se mit nahi sakta
Hazaar chaal ye duniya-e-be-sabat chale
یزیدِ عصر کے آگے کھڑے ہیں سب خاموش
حسین ہی جو چلائیں تو کوئی بات چلے
Yazid-e-asr ke aage khare hain sab khamosh
Husain hi jo chalayein to koi baat chale
دبا سکا نہ کبھی حق کو ، شور باطل کا
نہ کوئی گھات چلی ہے نہ کوئی گھات چلے
Daba saka na kabhi haq ko, shor-e-baatil ka
Na koi ghaat chali hai na koi ghaat chale
نصیؔر ! گوش بر آواز عرش و فرش ہوئے
اب انجمن میں حسین و حسن کی بات چلے
Nasir! gosh bar aawaaz arsh o farsh hue
Ab anjuman mein Husain o Hasan ki baat chale
Share This Naat
Share with friends and family
حسین کا ہو کہیں ذِکر کوئی بات چلے
سید نصیرالدیں نصیر