عکسِ رُوئے مصطفےٰؐسے ایسی زیبائی مِلی
کھِل اُٹھا رنگِ چمن، پُھولوں کو رعنائی مِلی
Aks-e-Rouye Mustafa se aisi zebai mili
Khila utha rang-e-chaman, phoolon ko ranai mili
سبز گنبد کے مناظر دیکھتا رہتا ہُوں میں
عشق میں چشمِ تصوّر کو وہ گیرائی مِلی
Sabz gunbad ke manazir dekhta rehta hu main
Ishq mein chashm-e-tasawwur ko woh geerai mili
جس طرف اُٹّھیں نگاہیں محفلِ کونین میں
رَحْمَۃٌ لِّلْعٰلَمِیں کی جلوہ فرمائی مِلی
Jis taraf uthain nigahain mehfil-e-kounain mein
Rahmatul lil aalameen ki jalwa farmai mili
ارضِ طیبہ میں میّسر آگئی دو گز زمیں
یُوں ہمارے مُنتشر اجزا کو یکجائی مِلی
Arz-e-Tayyiba mein moyassar aa gayi do gaz zameen
Yun hamare muntashir ajza ko yakjayi mili
اُن کے قدموں میں ہیں تاج و تخت ہفت اقلیم کے
آپؐ کے ادنیٰ غلاموں کو وہ دارائی مِلی
Unke qadmon mein hain taj-o-takht haft aqleem ke
Aap ke adna ghulamon ko woh darai mili
بحرِ عشقِ مصطفےٰؐ کا ماجرا کیا ہو بیاں
لُطف آیا ڈوبنے کا جتنی گہرائی مِلی
Behr-e-ishq-e-Mustafa ka maajra kya ho bayan
Lutf aaya doobne ka jitni gehrai mili
چادرِ زہراؓ کا سایہ ہے مِرے سَر پر نصیرؔ
فیضِ نسبت دیکھئے، نسبت بھی زَہرائی مِلی
Chadar-e-Zahra ka saya hai mere sar par Naseer
Faiz-e-nisbat dekhiye, nisbat bhi zehrayi mili
Share This Naat
Share with friends and family
عکسِ رُوئے مصطفےٰؐسے ایسی زیبائی مِلی
سید نصیرالدیں نصیر