دیکھ اے دل! یہ کہیں مُژدہ کوئی لائی نہ ہو
اُس دیارِ پاک سے چل کر صبا آئی نہ ہو
Dekh ae dil! Ye kahin mujda koi laai na ho
Us diyar-e-pak se chal kar saba aai na ho
راہِ طیبہ میں خیال ہوش و دانائی نہ ہو
کیا سفر کا لُطف جب تک بے خودی چھائی نہ ہو
Raah-e-taiba mein khayal hosh o danai na ho
Kya safar ka lutf jab tak be khudi chhai na ho
اُنؐ کا جلوہ ہو، ہمارے قلب کا آئینہ ہو
اور کوئی دُوسری صورت سے رعنائی نہ ہو
Unka jalwa ho, hamare qalb ka aaina ho
Aur koi doosri soorat se ranai na ho
دل نے جب حُسنِ عقیدت سے کیا ہے اُن کو یاد
غیر ممکن ہے کہ اب اِس کی پذیرائی نہ ہو
Dil ne jab husn-e-aqeedaat se kiya hai un ko yaad
Ghair mumkin hai ke ab is ki pazeerai na ho
نسبتِ شاہِؐ مدینہ کر گئی دل کو غنی
مَیں گدائی میں بھَلا، قسمت میں دارائی نہ ہو
Nisbat-e-Shah-e-Madina kar gayi dil ko ghani
Main gadai mein bhala, qismat mein darai na ho
اے مِرے دل! تیری رونق ہے جمالِ مصطفیٰؐ
عالمِ فانی کے جلووں کا تماشائی نہ ہو
Ae mere dil! Teri roanq hai jamal-e-Mustafa
Aalam-e-fani ke jalwon ka tamashai na ho
کیا خبر اُس کو کہ مستی عشق کی ہے چیز کیا
میرے ساقی نے جسے آنکھوں سے پلوائی نہ ہو
Kya khabar us ko ke masti ishq ki hai cheez kya
Mere saqi ne jise aankhon se pilwai na ho
اُلفتِ خیرالوریٰ ؐ میں رات دن رہتا ہُوں گُم
کون سا دَم ہے کہ جس دَم اُن کی یاد آئی نہ ہو
Ulfat-e-Khair-ul-Wara mein raat din rehta hoon gum
Kaun sa dam hai ke jis dam un ki yaad aai na ho
لے چلے ہو! اے فرشتو! جس کو دوزخ کی طرف
دیکھ لو پھر غور سے، یہ اُن کا شیدائی نہ ہو
Le chale ho! Ae farishto! Jis ko dozakh ki taraf
Dekh lo phir ghour se, ye un ka shidai na ho
ہے وہ دیوانہ، جو دیوانہ محمدؐ کا نہیں
ہے وہ سودائی، محمدؐ کا جو سودائی نہ ہو
Hai wo deewana, jo deewana Muhammad ka nahin
Hai wo sodai, Muhammad ka jo sodai na ho
کَل بھَلا محشر میں پہچانے گا کون اُس کو نصیرؔ
قبر میں جس کی محمدؐ سے شناسائی نہ ہو
Kal bhala mahshar mein pehchane ga kaun us ko Naseer
Qabr mein jis ki Muhammad se shanasaai na ho
Share This Naat
Share with friends and family
دیکھ اے دل! یہ کہیں مُژدہ کوئی لائی نہ ہو
سید نصیرالدیں نصیر