حسن و خوشبو جو مدینے کے چمن زار میں ہے
اتنی پرکیف فضا کب کسی گلزار میں ہے
Husn o khushbu jo Madinay ke chaman zar mein hai
Itni purkaif fiza kab kisi gulzar mein hai
آپؐ کی یادوں سے آباد ہیں میری راتیں
آپؐ کا عشق مرے دیدئہ بیدار میں ہے
Aapؐ ki yaadon se abad hain meri raatein
Aapؐ ka ishq mere deeda-e-bedaar mein hai
اپنی کملی میں چھپا لیں گے بروزِ محشر
ایک اُمید ابھی قلبِ گنہ گار میں ہے
Apni kamli mein chhupa lein ge beroz-e-mahshar
Ek umeed abhi qalb-e-gunah gaar mein hai
اُن کی قربت میں جو ملتا ہے سکونِ خاطر
ایسی تسکین کہاں سایہء اشجار میں ہے
Un ki qurbat mein jo milta hai sukoon-e-khaatir
Aisi taskeen kahaan saaya-e-ashjaar mein hai
آپؐ آئے ہیں ہدایت کا صحیفہ لے کر
ایک پیغامِ عمل آپؐ کے کردار میں ہے
Aapؐ aaye hain hidayat ka saheefa le kar
Ek paigham-e-amal aapؐ ke kirdaar mein hai
کھوکھلا جسم لئے پھرتا ہے محفل محفل
رُوحِ اشفاقؔ تو محبوبؐ کے دربار میں ہے
Khokhla jism liye phirta hai mehfil mehfil
Rooh-e-Ashfaqؔ to Mehboobؐ ke darbaar mein hai
Share This Naat
Share with friends and family
حسن و خوشبو جو مدینے کے چمن زار میں ہے
اشفاق احمد غوری