ہم کو دعویٰ ہے کہ ہم بھی ہیں نکو کاروں میں
اور اللہ کے بے لوث وفاداروں میں
Hum ko daawa hai ke hum bhi hain nako karon mein
Aur Allah ke be-lous wafadaron mein
حرم پاک سے بھی خاص عقیدت ہے ہمیں
اور شامل ہیں محمدﷺ کے رضا کاروں میں
Haram pak se bhi khaas aqeedat hai humein
Aur shaamil hain Muhammadﷺ ke raza karon mein
ہم مگر عصمت و عفّت کا سبق بھول گئے
غیر تیں بکتی ہیں اب شہر کے بازاروں میں
Hum magar ismat o iffat ka sabaq bhool gaye
Ghairatein bikti hain ab sheher ke baazaroon mein
نام تو لیتے ہیں ہم اب بھی خدا کا لیکن
سجدہ ریزی بھی کئے جاتے ہیں درباروں میں
Naam to lete hain hum ab bhi Khuda ka lekin
Sajda rezi bhi kiye jaate hain darbaron mein
خاص تقریب میں کی جاتی ہے تقسیم زکوٰۃ
اب عبادت کا یہ دستور ہے زرداروں میں
Khaas taqreeb mein ki jaati hai taqseem e zakat
Ab ibaadat ka yeh dastoor hai zardaron mein
عام ہو جاتی ہے اس جشن کی پوری روداد
اور تصویر بھی چھپ جاتی ہے اخباروں میں
Aam ho jaati hai is jashn ki poori rodaad
Aur tasweer bhi chhap jaati hai akhbaron mein
عیدِ قرباں میں نکھر آتا ہے دولت کا غرور
کتنے قارون نکل آتے ہیں بازاروں میں
Eid-e-Qurbaan mein nikhar aata hai dolat ka ghuroor
Kitne Qaroon nikal aate hain baazaroon mein
اُسوہء پاکِ محمدﷺ کا بیاں کیسے کریں
نئی تہذیب کے سرگرم نمک خواروں میں
Uswa-e-Pak-e-Muhammadﷺ ka bayaan kaise karein
Nayi tehzeeb ke sargaram namak khwaron mein
ذکر اسلاف کا کرتے ہیں اگر اہلِ وفا
وہ گنے جاتے ہیں ماضی کے عزاداروں میں
Zikar aslaaf ka karte hain agar ahl-e-wafa
Woh gine jaate hain mazi ke azaadaron mein
اور جو لوگ محافظ تھے کبھی مذہب کے
زرخریدوں کی طرح بیٹھے ہیں سرکار وں میں
Aur jo log muhafiz the kabhi mazhab ke
Zarkhareedon ki tarah baithe hain sarkaron mein
جو دیا کرتے تھے ملّت کو کبھی درسِ خودی
وہ بھی موجود ہیں اب حاشیہ برداروں میں
Jo diya karte the millat ko kabhi dars-e-khudi
Woh bhi maujood hain ab haashiya bardaron mein
اے محمد ﷺ کے خدا ہم کو ہدایت فرما
ہم گنہ گار بھی ہیں تیرے پر ستاروں میں
Ae Muhammadﷺ ke Khuda hum ko hidayat farma
Hum gunehgar bhi hain tere parstaroon mein
Share This Naat
Share with friends and family
ہم کو دعویٰ ہے کہ ہم بھی ہیں نکو کاروں میں
پروفیسراقبال عظیم