naat
جہاں روضہء پاک خیرالورا ہے وہ جنت نہیں ہے ‘ تو پھر اور کیا ہے
جہاں روضہء پاک خیرالورا ہے وہ جنت نہیں ہے ‘ تو پھر اور کیا ہے
کہاں میں کہاں یہ مدینے کی گلیاں یہ قسمت نہیں ہے تو پھر اور کیا ہے
Jahan roza-e-paak Khair-ul-wara hai woh jannat nahi hai ' to phir aur kya hai
Kahan main kahan ye Madinay ki galiyan ye qismat nahi hai to phir aur kya hai
محمد ﷺ کی عظمت کو کیا پوچھتے ہو کہ وہ صاحب ِ قَاب قَوسین ٹھہرے
بشر کی سرِ عرش مہماں نوازی ‘ یہ عظمت نہیں ہے تو پھر اور کیا ہے
Muhammad ﷺ ki azmat ko kya poochhte ho ke woh sahib-e-Qaab Qosain thehre
Bashar ki sar-e-arsh mehman nawazi ' ye azmat nahi hai to phir aur kya hai
جو عاصی کو کملی میں اپنی چھپالے ‘ جو دشمن کو بھی زخم کھا کر دُعا دے
اسے اور کیا نام دے گا زمانہ وہ رحمت نہیں ہے تو پھر اور کیا ہے
Jo aasi ko kamli mein apni chhupale ' jo dushman ko bhi zakham kha kar duaa de
Use aur kya naam de ga zamana woh rehmat nahi hai to phir aur kya hai
شفاعت قیامت کی تابع نہیں ہے ‘ یہ چشمہ تو روز ازل سے ہے جاری
خطا کار بندوں پہ لطف مسلسل شفاعت نہیں ہے تو پھر اور کیا ہے
Shafaat qayamat ki tabe nahi hai ' ye chashma to roz azal se hai jaari
Khata kar bandon pe lutf musalsal shafaat nahi hai to phir aur kya hai
قیامت کا اک دن ہے معیّن لیکن ہمارے لیے ہر نفس ہے قیامت
مدینے سے ہم جاں نثاروں کی دوری قیامت نہیں ہے ‘ تو پھر اور کیا ہے
Qayamat ka ek din hai muayyan lekin hamare liye har nafas hai qayamat
Madinay se hum jaan nisaron ki duri qayamat nahi hai ' to phir aur kya hai
تم اقبؔال یہ نعت کہہ تو رہے ہو مگر یہ بھی سوچا کہ کیا کر کررہے ہو
کہاں تم کہاں مدح ممدوحِ یزداں ‘ یہ جراءت نہیں ہے تو پھر اور کیا ہے
Tum Iqbal ye naat keh to rahe ho magar ye bhi socha ke kya kar kar rahe ho
Kahan tum kahan madh mamdooh-e-Yazdan ' ye jurrat nahi hai to phir aur kya hai
Share This Naat
Share with friends and family
جہاں روضہء پاک خیرالورا ہے وہ جنت نہیں ہے ‘ تو پھر اور کیا ہے
پروفیسراقبال عظیم