بے دیکھے مدینے کی تصویر ہے آنکھوں میں
اب جاگتی آنکھوں کی تاثیر ہے آنکھوں میں
Be dekhe madine ki tasveer hai aankhon mein
Ab jagti aankhon ki taseer hai aankhon mein
بے دیدہء بینا بھی بینائی میّسر ہے
بے نُور بصار ت بھی تنویر ہے آنکھوں میں
Be deedah-e beena bhi beenai mayassar hai
Be noor basarat bhi tanveer hai aankhon mein
جس روضہء اقدس کو آنکھوں سے نہیں دیکھا
اس روضہء اقدس کی تصویر ہے آنکھوں میں
Jis roza-e aqdas ko aankhon se nahi dekha
Us roza-e aqdas ki tasveer hai aankhon mein
ہر وقت نگاہوں میں گلیاں ہیں مدینے کی
ایک شہرِ حرم شاید تعمیر ہے آنکھوں میں
Har waqt nigahon mein galiyan hain madine ki
Ek sheher-e haram shayad tameer hai aankhon mein
اب اشک کا ہر قطرہ کرتا ہے ثنا خوانی
ہر نعت مِری جیسے تحریر ہے آنکھوں میں
Ab ashk ka har qatra karta hai sana khwani
Har naat meri jaise tehreer hai aankhon mein
ہر آنسو کو آتا ہے اب صلِ علیٰ کہنا
بے لفظ و بیاں حسنِ تقریر ہے آنکھوں میں
Har aansu ko aata hai ab sal-e alla kehna
Be lafz o bayan husn-e taqreer hai aankhon mein
ہم نے بھی کبھی جلوے آنکھوں میں سمیٹے ہیں
انوار کا اک عالم زنجیر ہے آنکھوں میں
Hum ne bhi kabhi jalwe aankhon mein samete hain
Anwaar ka ek alam zanjeer hai aankhon mein
آنکھوں کی کہی نعتیں طیبہ کی اذانیں ہیں
اور لحنِ بلالی کی تاثیر ہے آنکھوں میں
Aankhon ki kahi naatein taiba ki azanen hain
Aur lahn-e bilali ki taseer hai aankhon mein
Share This Naat
Share with friends and family
بے دیکھے مدینے کی تصویر ہے آنکھوں میں
پروفیسراقبال عظیم