ہوش و مستی سے مجھے کچھ بھی سروکار نہیں
تشنۂِ دید ہوں ساغر مجھے درکار نہیں
hosh o masti se mujhe kuch bhi sarokar nahi
tishna-e-deed hun saghar mujhe darkar nahi
میں ہوں سرکارِ دوعالم کے فدائی کا غلام
لائقِ نار ہو جو میں وہ گنہگار نہیں
main hun sarkar-e-doa'alam ke fida'i ka ghulam
laaiq-e-nar ho jo main wo gunahgar nahi
جو انہیں دیکھ کے پھر اور کسی کو دیکھے
اک تماشائی ہے وہ طالبِ دیدار نہیں
jo unhein dekh ke phir aur kisi ko dekhe
ik tamashai hai wo talab-e-deedar nahi
اپنے ساقی کے سوا غیر سے مانگوں تو حرام
جو نیا مے کدہ ڈھونڈے میں وہ مے خوار نہیں
apne saqi ke siwa gher se maangun to haram
jo naya maikada dhoonde main wo mai khwar nahi
آپ سے بڑھ کے کسی اور کی چاہت ہو مجھے
نہیں، ایسا نہیں ہر گز، مری سرکار نہیں
aap se barh ke kisi aur ki chaaht ho mujhe
nahi, aisa nahi har giz, meri sarkar nahi
آپ کے لطف و کرم کا ہے ظہوریؔ سائل
آپ سے بڑھ کر مرا کوئی بھی غم خوار نہیں
aap ke lutf o karam ka hai Zahuri sa'il
aap se barh kar mera koi bhi gham khwar nahi
Share This Naat
Share with friends and family
ہوش و مستی سے مجھے کچھ بھی سروکار نہیں
محمد علی ظہوری