ہے مدح و ثنا شعار میرا
اللہ یہ روزگار میرا
hai madah o sana shi'ar mera
Allah yeh rozgar mera
یہ شاخِ قلم یہ گلشنِ نعت
مُنہ دیکھتی ہے بہار میرا
yeh shaakh-e qalam yeh gulshan-e naat
munh dekhti hai bahar mera
مُلتان میں دل مِرا ہے یارو
اور طیبہ میں ہے قرار میرا
Multan mein dil mera hai yaro
aur Tayyaba mein hai qarar mera
صدیوں پہ محیط ہو چُکے ہیں
اِذن اُن کا اور انتظار میرا
sadiyon pe muheet ho chuke hain
izn un ka aur intizar mera
کِس برج میں اِن دنوں ہے سیّار
وہ طالعِ سازگار میرا
kis burj mein in dinon hai sayyar
woh taale' sazgar mera
سینے کو نہ توڑ کر نِکل جائے
دل طائرِ بے قرار میرا
seene ko na torh kar nikal jaye
dil taair-e beqarar mera
آنّسو شبِ ہجر میں رواں ہیں
چہرہ ہے ستارہ بار میرا
ansu shab-e hijr mein rawan hain
chehra hai sitara bar mera
اے منزلِ بے کساں کب آخر
پائے گا سکوں غبار میرا
ai manzil-e be kasaan kab aakhir
paaye ga sukoon ghubar mera
ہے نسبت شاہِ دیں سے عاصیؔ
کونین میں اعتبار میرا
hai nisbat Shah-e Deen se 'Aasi
Konain mein aitbar mera
Share This Naat
Share with friends and family
ہے مدح و ثنا شعار میرا
عاصی کرنالی