رُخ دن ہے یا مہرِ سَما یہ بھی نہیں وہ بھی نہیں
شب زُلف یا مُشکِ ختا یہ بھی نہیں وہ بھی نہیں
Rukh din hai ya mehr-e-sama yeh bhi nahin woh bhi nahin
Shab zulfa ya mushk-e-khata yeh bhi nahin woh bhi nahin
ممکن میں یہ قدرت کہاں واجب میں عبدیت کہاں
حیراں ہوں یہ بھی ہے خطا یہ بھی نہیں وہ بھی نہیں
Mumkin mein yeh qudrat kahan, wajib mein abdiat kahan
Hairaan hoon yeh bhi hai khataa yeh bhi nahin woh bhi nahin
حق یہ کہ ہیں عبدِ الٰہ اور عالمِ امکاں کے شاہ
برزخ ہیں وہ سِّرِ خدا یہ بھی نہیں وہ بھی نہیں
Haq yeh ke hain abd-e-Allah aur ‘aalam-e-imkaan ke shaah
Barzakh hain woh sirr-e-Khuda yeh bhi nahin woh bhi nahin
بُلبل نے گُل اُن کو کہا قُمری نے سروِ جانفزا
حیرت نے جھنجھلا کر کہا یہ بھی نہیں وہ بھی نہیں
Bulbul ne gul un ko kaha, qumri ne sarv-e-jaan-faza
Hairat ne jhanjhala kar kaha yeh bhi nahin woh bhi nahin
خورشید تھا کس زور پر کیا بڑھ کے چمکا تھا قمر
بے پردہ جب وہ رُخ ہوا یہ بھی نہیں وہ بھی نہیں
Khurshid tha kis zor par, kya barh ke chamka tha qamar
Be-parda jab woh rukh hua yeh bhi nahin woh bhi nahin
ڈر تھا کہ عصیاں کی سزا اب ہو گی یا روزِ جزا
دی اُن کی رحمت نے صدا یہ بھی نہیں وہ بھی نہیں
Dar tha ke ashiyaan ki saza ab ho gi ya roz-e-jaza
De un ki rehmat ne sada yeh bhi nahin woh bhi nahin
کوئی ہے نازاں زُہد پر یا حسنِ توبہ ہے سِپر
یاں ہے فقط تیری عطا یہ بھی نہیں وہ بھی نہیں
Koi hai naazaan zuhud par ya husn-e-tubah hai sirr
Yaan hai faqat teri ata yeh bhi nahin woh bhi nahin
دن لَہْو میں کھونا تجھے شب صبح تک سونا تجھے
شرمِ نبی خوفِ خدا یہ بھی نہیں وہ بھی نہیں
Din lahw mein khona tujhe, shab subh tak sona tujhe
Sharm-e-Nabi khauf-e-Khuda yeh bhi nahin woh bhi nahin
رزقِ خدا کھایا کیا فرمانِ حق ٹالا کیا
شکرِ کرم ترسِ سزا یہ بھی نہیں وہ بھی نہیں
Rizq-e-Khuda khaya kya, farman-e-Haq taala kya
Shukar-e-karam tars-e-saza yeh bhi nahin woh bhi nahin
ہے بلبُل رنگیں رضاؔ یا طُوطی نغمَہ سرا
حق یہ کہ واصِف ہے تِرا یہ بھی نہیں وہ بھی نہیں
Hai bulbul rangeen Raza ya tooti naghmaa-sara
Haq yeh ke waasif hai tera yeh bhi nahin woh bhi nahin
Share This Naat
Share with friends and family
رُخ دن ہے یا مہرِ سَما یہ بھی نہیں وہ بھی نہیں
احمد رضا خان بریلوی