ہُوئیں اُمّیدیں بارآوَر مدینہ آنے والا ہے
جُھکالو اب ادب سے سر مدینہ آنے والا ہے
huwayn umeeden barnaawar madinah anay wala hai
jhukalo ab adab se sar madinah anay wala hai
پِلادے ساقِیا ساغَر مدینہ آنے والا ہے
عطا اب کیف و مستی کر مدینہ آنے والا ہے
piladay saqia saagar madinah anay wala hai
ata ab kaif o masti kar madinah anay wala hai
عطا ہو مجھ کو چشمِ تَر مجھے دیدو دلِ مُضطَر
ذرا جلدی مِرے سرور! مدینہ آنے والا ہے
ata ho mujh ko chashm-e tar mujhe dedo dil-e muzdar
zara jaldi mere sarwar! madinah anay wala hai
تڑپنے کا قرینہ دو مجھے دو چاک سینہ دو
پئے شَبِّیر اور شَبَّر مدینہ آنے والا ہے
tarapnay ka qareena do mujhe do chaak seena do
paye shabbir aur shabbar madinah anay wala hai
مبارَک ہو گنہگارو! خطاکارو! سِیَہ کارو
تمہیں اب عاصِیو! کیا ڈر مدینہ آنے والا ہے
mubarak ho gunehgaaro! khatakaro! siyahkaro
tumhein ab aasio! kya dar madinah anay wala hai
مدینے کے مسافِر پر چھما چھم رَحمتوں کی اب
ہے بارِش خوب زوروں پر مدینہ آنے والا ہے
madine ke musafir par chhama chham rahmaton ki ab
hai barish khoob zoron par madinah anay wala hai
پڑھو اے زائرو! ملکر دُرُود اُن پر سلام اُن پر
لُٹاؤ اَشک کے گوھر مدینہ آنے والا ہے
parho ae zairo! milkar durood un par salam un par
lutao ashk ke gohar madinah anay wala hai
ٹَھَہر جا روحِ مُضطَر تُو نکل جانا مدینے میں
خُدارا اب نہ جلدی کر مدینہ آنے والا ہے
thaher ja rooh-e muzdar tu nikal jana madine mein
khudara ab na jaldi kar madinah anay wala hai
دُرُودِ پاک کے گجر ے سلام و نعت کے تحفے
بڑھو اے زائرو! لیکر مدینہ آنے والا ہے
durood-e pak ke gajray salam o naat ke tahfay
barho ae zairo! lekar madinah anay wala hai
خوشی سے زائرو! جھومو فَضائیں جھوم کر چومو
بس آیا رَوضۂ انور مدینہ آنے والا ہے
khushi se zairo! jhoomo fazaen jhom kar chumo
bas aaya rauzah anwar madinah anay wala hai
نکال اب پاؤں سے جوتا قریبِ طیبہ تُو پہنچا
اے زائر! ہوش اب تو کر مدینہ آنے والا ہے
nikal ab paon se joota qarib e taybah tu pahunch
ae zair! hosh ab to kar madinah anay wala hai
وہ برسا نور کا جھالا سماں ہے خوب اُجیالا
ہے کیسا دل کُشا منظر مدینہ آنے والا ہے
wo barsa noor ka jhaala samaan hai khoob ujala
hai kaisa dil kusha manzar madinah anay wala hai
مبارَک! غم کے ماروں کو مبارَک!بے سہاروں کو
کُھلے ہیں رَحمتوں کے در مدینہ آنے والا ہے
mubarak! gham ke maaron ko mubarak! be saharon ko
khulay hain rahmaton ke dar madinah anay wala hai
فضائیں بھی منوَّر ہیں ، ہوائیں بھی مُعطَّر ہیں
سماں رنگین و کیف آور مدینہ آنے والا ہے
fazaen bhi munawwar hain, hawaien bhi muattar hain
samaan rangeen o kaif aawar madinah anay wala hai
مِری ہو آرزو پوری مجھے مل جائے منظوری
بقیعِ پاک کی سروَر مدینہ آنے والا ہے
miri ho aarzu poori mujhe mil jaye manzoori
baqi e pak ki sarwar madinah anay wala hai
وسیلہ چار یاروں کا اُحُد کے جاں نثاروں کا
دکھا دو اِک جھلک سرور مدینہ آنے والا ہے
waseela chaar yaron ka ahad ke jaan nisaron ka
dikha do ik jhalak sarwar madinah anay wala hai
نکالو، مصطَفٰے پیارے! خیالِ غیر اب سارے
ہمارے قلب سے باہَر مدینہ آنے والا ہے
nikalo, mustafa pyaray! khayal-e ghayr ab saare
hamaray qalb se bahar madinah anay wala hai
اٹھو تعظیم کی خاطِر پڑھو تکریم کی خاطِر
سلام اے زائرو! ملکر مدینہ آنے والا ہے
utho tazeem ki khatir padho takreem ki khatir
salam ae zairo! milkar madinah anay wala hai
اٹھو عطارؔ اب اٹھو! ذرا وہ غور سے دیکھو
ہے چھایا نور ہر شے پر مدینہ آنے والا ہے
utho attar ab utho! zara wo ghor se dekho
hai chhaya noor har shay par madinah anay wala hai
Share This Naat
Share with friends and family
ہُوئیں اُمّیدیں بارآوَر مدینہ آنے والا ہے
الیاس عطار قادری