توصیف نبیﷺ کرنے والے تعریف خدا ہی کرتے ہیں
میلادِ نبیﷺ کی محفل میں ہم حمد الہی کرتے ہیں
Toseef-e-Nabi ﷺ karne wale tareef-e-Khuda hi karte hain
Milad-e-Nabi ﷺ ki mehfil mein hum hamd-e-Ilahi karte hain
محبوب خدا ان لوگوں کی خود پشت پناہی کرتے ہیں
جو ذکر الہی کرتے ہیں جو حمدِ الہی کرتے ہیں
Mahboob-e-Khuda un logon ki khud pusht panahi karte hain
Jo zikr-e-Ilahi karte hain jo hamd-e-Ilahi karte hain
یہ ارض و سما یہ شمس و قمر یہ حور و ملک یہ جن و بشر
ہر وقت زباں سے اپنی بیاں توحید الہی کرتے ہیں
Ye arz o sama ye shams o qamar ye hoor o malak ye jin o bashar
Har waqt zaban se apni bayan tauheed-e-Ilahi karte hain
منہ ان کا اجالا رہتا ہے دنیا میں لحد میں عقبیٰ میں
اٹھ اٹھ کر اندھری راتوں میں جو یاد الہی کرتے ہیں
Munn in ka ujala rehta hai duniya mein, lahd mein, uqba mein
Uth uth kar andheri raato mein jo yaad-e-Ilahi karte hain
توحید الہی منزل بابِ نبوی سے کر حاصل
ایمان عطا ہر مسلم کو محبوب الہی کرتے ہیں
Tauheed-e-Ilahi manzil baab-e-nabwi se kar hasil
Eeman ata har Muslim ko mahboob-e-Ilahi karte hain
بخشے کہ نہ بخشے تو یارب ہے فردِ عمل تیرے آگے
خود اپنی بیاضِ عصیاں پر ہم اپنی گواہی کرتے ہیں
Bakhshai ke na bakhshai tu yarab hai fard-e-amal tere aage
Khud apni beyaaz-e-asyan par hum apni gawahi karte hain
اسلام مٹانا چاہتے ہیں توحید کے دشمن دنیا سے
برباد انھیں کردے یارب برپا جو تباہی کرتے ہیں
Islam mitana chahte hain tauheed ke dushman duniya se
Barbaad inhein karde yarab barpa jo tabahi karte hain
اعمال حسن کچھ پاس نہیں یوں عمر بسر ہوتی ہے ضیا
یا نعتِ محمدﷺ لکھتے ہیں یا حمدِ الہی کرتے ہیں
Aamaal hussan kuch paas nahi yun umar basar hoti hai ziya
Ya naat-e-Muhammad ﷺ likhte hain ya hamd-e-Ilahi karte hain
Share This Naat
Share with friends and family
توصیف نبیﷺ کرنے والے
محمد یعقوب حسین