حبِ رسولؐ ، مدحت و قرآن جائے گا
ہمراہ میرے بس یہی سامان جائے گا
Hub-e Rasoolﷺ, madHatu Quran jayega
Hamrah mere bas yahi samaan jayega
راضی کرو حضورؐ کو چاہو اگر نجات
مانے اگر حضورؐ تو رب مان جائے گا
Raazi karo Huzoorﷺ ko chaho agar najat
Manay agar Huzoorﷺ to Rab maan jayega
ایمان تو ہے نام ہی حُبِّ رسولؐ کا
جنت میں صرف صاحبِ ایمان جائے گا
Eimaan to hai naam hi hub-e-Rasoolﷺ ka
Jannat mein sirf sahib-e eimaan jayega
لب پر درودِ پاک ہی جس کے سجا رہا
وہ قبر میں حضورؐ کو پہچان جائے گا
Lab par darood-e-Pak hi jis ke saja raha
Wo qabr mein Huzoorﷺ ko pehchaan jayega
جو ان کی ذات پاک میں کرتا رہا کلام
اترے گا جب لحد میں تو سب جان جائے گا
Jo un ki zat-e-Pak mein karta raha kalaam
Utre ga jab lahd mein to sab jaan jayega
کچھ بھی نہیں بچے گا یہ باور ہے دوستو
ہاتھوں سے گر حضورؐ کا دامان جائے گا
Kuch bhi nahi bache ga yeh baawar hai dosto
Haathon se gar Huzoorﷺ ka daaman jayega
اپنی جلیل کاش سکونت وہیں پہ ہو
طیبہ سمٹ کے جس گھڑی ایمان جائے گا
Apni jaleel kaash sukoonat wahi pe ho
Taiba samat ke jis ghari eimaan jayega
Share This Naat
Share with friends and family
حبِ رسولؐ ، مدحت و قرآن جائے گا
حافظ عبدالجلیل