ہم نعت نہیں کہتے عبادات کریں ہیں
آقا کے وسیلے سے مناجات کریں ہیں
hum naat nahi kehte ibadat karen hain
aqqa ke wasile se manajat karen hain
لمحوں میں بدل جاوے ہے عاصی کا مقدّر
آقا مِرے کچھ ایسی کرامات کریں ہیں
lamhon mein badal jaave hai aasi ka muqadar
aqqa mire kuch aisi karamat karen hain
دامن میں سماوے ہے نہ جھولی میں کسی کی
آقا مِرے اس شان سے خیرات کریں ہیں
daman mein samaave hai na jholi mein kisi ki
aqqa mire us shan se khairat karen hain
ہم جیسے گناہ گاروں کی بخشش کی غرض سے
وہ صرف دعاؤں میں بسر رات کریں ہیں
hum jaise gunahgaaron ki bakhshish ki gharz se
wo sirf duaon mein basar raat karen hain
بک جاوے ہیں سرکارؐ کے اخلاق کے ہاتھوں
دشمن بھی اگر اُن سے ملاقات کریں ہیں
bik jaave hain sarkar ﷺ ke ikhlaaq ke hathon
dushman bhi agar un se mulaqat karen hain
پھولوں کی مہک آوے ہے انفاس سے ان کی
موتی سے بکھر جاوے ہیں جب بات کریں ہیں
phoolon ki mehak aave hai anfaas se un ki
moti se bikhar jaave hain jab baat karen hain
جب دینے پہ آجاوے ہیں سرکار ہمارے
بخشش میں شہنشاہوں کو بھی مات کریں ہیں
jab dene pe aajaave hain sarkar hamare
bakhshish mein shehnshahon ko bhi maat karen hain
اور جن کا کوئی پوچھنے والا نہیں ہوتا
ان کی تو مخصوص مدارات کریں ہیں
aur jin ka koi poochhne wala nahi hota
un ki to makhsoos madarat karen hain
ہم رحمتِ عالم کے فقیروں میں ہیں شامل
ہم اور گدائی کریں ! کیا بات کریں ہیں
hum rehmat-e-aalam ke faqeeron mein hain shamil
hum aur gaddai karen! kya baat karen hain
Share This Naat
Share with friends and family
ہم نعت نہیں کہتے عبادات کریں ہیں
پروفیسراقبال عظیم