آخِری روزے ہیں دل غمناک مُضطَر جان ہے
حسرتا وا حسرتا اب چل دیا رَمضان ہے
Aakhri rozae hain dil ghamnaq muzdar jaan hai
Hasrata wa hasrata ab chal dia Ramzan hai
عاشِقانِ ماہِ رَمضاں رو رہے ہیں پھوٹ کر
دل بڑا بے چین ہے اَفسردہ روح و جان ہے
Aashiqan-e maah-e Ramzan ro rahe hain phoot kar
Dil bara bechain hai afsurdah rooh o jaan hai
درد و رِقّت سے پچھاڑیں کھا کے روتا ہے کوئی
تو کوئی تصویرِ غم بن کر کھڑا حیران ہے
Dard o riqqat se pichaaren kha ke rota hai koi
To koi tasveer-e gham ban kar khara hairan hai
اَلفِراقُ آہ الفِراق اے رب کے مہماں اَلفِراق!
اَلوداع اب چلدیا تو اے مہِ رَمضان ہے
Al-firaq ah al-firaq ae Rab ke mehmaan al-firaq!
Alvida ab chal dia tu ae maah-e Ramzan hai
داستانِ غم سنائیں کس کو جا کر آہ! ہم
یارسولَ اللہ دیکھو چل دیا رَمضان ہے
Dastaan-e gham sunayein kis ko ja kar ah! Hum
Ya Rasool-Allah dekho chal dia Ramzan hai
خوب روتاہے تڑپتا ہے غمِ رَمضان میں
جو مسلماں قَدر دان و عاشقِ رَمضان ہے
Khoob rota hai tadapta hai gham-e Ramzan mein
Jo musalman qadr dan o aashiq-e Ramzan hai
روتے روتے ہچکیاں بندھ جاتی ہیں عُشّاق کی
تجھ میں کیسا سوز اے اللہکے مہمان ہے
Rote rote hichkian bandh jati hain ush-shaaq ki
Tujh mein kaisa soz ae Allah ke mehmaan hai
تیری فُرقت میں ترے عاشق کا دل ٹکڑے ہوا
اور سینہ چاک تیرے ہِجر میں رَمضان ہے
Teri furqat mein tere aashiq ka dil tukde hua
Aur seena chaak tere hijr mein Ramzan hai
وقتِ اِفطار و سَحر کی رَونقیں ہوں گی کہاں!
چند دن کے بعد یہ سارا سماں سُنسان ہے
Waqt-e iftar o sahar ki raunaqein hoon gi kahaan!
Chand din ke baad ye saara samaa sunsaan hai
تیری آمد سے دلِ پَژمردہ کھل اٹّھے مگر
جلد تڑپا کر ہمیں تُو چل دیا رَمضان ہے
Teri aamad se dil-e pazmurda khil uttha magar
Jald tadpa kar humein tu chal dia Ramzan hai
ہائے صد افسوس! رَمضاں کی نہ ہم نے قدر کی
بے سبب ہی بخش دے یارب کہ تُو رحمٰن ہے
Haay sad afsos! Ramzan ki na hum ne qadr ki
Be-sabab hi baksh de Ya Rab ke tu Rehman hai
ماہِ رَمضاں تجھ میں جو روزے نہیں رکھتا کوئی
وہ بڑا محروم ہے بدبخت ہے نادان ہے
Maah-e Ramzan tujh mein jo rozae nahin rakhta koi
Wo bara mehroom hai badbakht hai nadan hai
کر رہے ہیں تجھ کو رو رو کر مسلماں الوداع
آہ!اب تُو چند گھڑیوں کا فقط مہمان ہے
Kar rahe hain tujh ko ro ro kar musalman alvida
Ah! Ab tu chand ghariyon ka faqat mehmaan hai
روک سکتے ہی نہیں ہائے تجھے اب کیا کریں!
سب کو روتا چھوڑ کر تُو چلدیا رَمضان ہے
Rok sakte hi nahin haaye tujhe ab kya karein!
Sab ko rota chhod kar tu chal dia Ramzan hai
السلام اے ماہِ رمضاں تجھ پہ ہوں لاکھوں سلام
ہجر میں اب تیرا ہر عاشق ہوا بے جان ہے
As-salam ae maah-e Ramzan tujh pe hoon laakhon salam
Hijr mein ab tera har aashiq hua bejaan hai
چند آنسو نَذر ہیں بس اور کچھ پلّے نہیں
نیکیوں سے آہ! یہ خالی مِرا دامان ہے
Chand aansoo nazr hain bas aur kuch palle nahin
Nekiyon se ah! Ye khaali mera daaman hai
واسِطہ رَمضان کا یارب! ہمیں تُو بخش دے
نیکیوں کا اپنے پلّے کچھ نہیں سامان ہے
Wasita Ramzan ka Ya Rab! Humein tu baksh de
Nekiyon ka apne palle kuch nahin samaan hai
دست بستہ التجا ہے ہم سے راضی ہو کے جا
بخشوانا حشر میں ہاں تو مَہِ غُفران ہے
Dast basta iltija hai hum se raazi ho ke ja
Bakshwana hashr mein haan tu mah-e ghufran hai
کاش! آتے سال ہو عطارؔ کو رَمضاں نصیب
یانبی! میٹھے مدینے میں بڑا ارمان ہے
Kaash! Aate saal ho Attar ko Ramzan naseeb
Ya Nabi! Meethay Madine mein bara armaan hai
Share This Naat
Share with friends and family
آخِری روزے ہیں دل غمناک مُضطَر جان ہے
الیاس عطار قادری